IPL लिलावात 10 वेळा अनसोल्ड राहिलेल्या खेळाडूच्या गळ्यात पडली उपकर्णधारपदाची माळ, कोण आहे हा खेळाडू?
बीसीसीआयने इराणी कपसाठी रेस्ट ऑफ इंडिया टीमची घोषणा केली आहे. 1 ते 5 ऑक्टोबर दरम्यान लखनौ येथे रणजी चॅम्पियन मुंबई विरुद्ध रेस्ट ऑफ इंडिया यांच्यात सामना होणार आहे.
Irani Trophy 2024 Squads Abhimanyu Easwaran : बीसीसीआयने इराणी कपसाठी रेस्ट ऑफ इंडिया टीमची घोषणा केली आहे. 1 ते 5 ऑक्टोबर दरम्यान लखनौ येथे रणजी चॅम्पियन मुंबई विरुद्ध रेस्ट ऑफ इंडिया यांच्यात सामना होणार आहे. रेस्ट ऑफ इंडिया संघाची धूरा युवा फलंदाज ऋतुराज गायकवाडच्या हातात दिली आहे, तर अभिमन्यू इसवरनला उपकर्णधार करण्यात आली आहे. पण तुम्हाला माहित आहे का आतापर्यंत हा खेळाडू 10 वेळा आयपीएल लिलावात विकला गेला नाही.
कोण आहे हा खेळाडू?
29 वर्षीय बंगालचा फलंदाज अभिमन्यू इसवरन 11 वर्षांपासून सतत देशांतर्गत क्रिकेट खेळत आहे. पण आतापर्यंत आयपीएलच्या एकाही हंगामात त्याला कोणत्याही फ्रँचायझीने विकत घेतलेले नाही. ESPNcricinfo शी बोलताना त्याने एकदा सांगितले होते की, मी नाव आयपीएल 2014 पासून लिलावासाठी पाठवत आहे. पण अद्याप एकाही फ्रँचायझीचा पाठिंबा मिळालेला नाही. यादरम्यान अभिमन्यूने कबूल केले होते की, टी-20 साठी तो स्वत:ला चांगला फलंदाज मानतो आणि आकडेवारीही याची साक्ष देतात. अभिमन्यू ईश्वरन आतापर्यंत 10 वेळा आयपीएल लिलावात विकला गेला नाही. आयपीएल 2024 च्या आधी झालेल्या मिनी लिलावात अभिमन्यूने आपले नाव दिले होते. मात्र या लिलावातही त्याला निराशेशिवाय काहीच मिळाले नाही. तथापि, आयपीएल 2025 पूर्वी मेगा लिलाव होणार आहे. अभिमन्यूवर कोणत्याही फ्रेंचायझी रस दाखवते की नाही हे पाहणे उत्सुकतेचे ठरेल.
अभिमन्यू ईश्वरन अलीकडील कामगिरी
अभिमन्यूने नुकत्याच खेळल्या गेलेल्या दुलीप ट्रॉफी 2024 मध्ये इंडिया बी कडून कर्णधारपदही स्वीकारले. मात्र, त्याच्या नेतृत्वाखाली त्याला फारशी छाप पाडता आली नाही. पण एक फलंदाज म्हणून त्याने दमदार कामगिरी केली. त्याने भारत क विरुद्ध 157 धावांची नाबाद खेळी खेळली. याशिवाय त्याने इंडिया डी विरुद्ध 116 आणि 19 धावा केल्या होत्या.
देशांतर्गत कारकीर्दीवर एक नजर
या उजव्या हाताच्या फलंदाजाने आतापर्यंत 97 प्रथम श्रेणी सामन्यांमध्ये 48.44 च्या सरासरीने 7315 धावा केल्या आहेत, ज्यामध्ये 25 शतके आणि 29 अर्धशतकांची नोंद आहे. याशिवाय 88 लिस्ट ए सामन्यांमध्ये त्याने 47.49 च्या सरासरीने 9 शतके आणि 23 अर्धशतकांसह 3847 धावा केल्या आहेत. 34 टी-20 सामन्यांमध्ये त्याने 1 शतक आणि 5 अर्धशतकांसह 37.53 च्या सरासरीने 976 धावा केल्या आहेत.
हे ही वाचा -
महत्त्वाच्या बातम्या
