Ind vs Aus Semi-Final Champions Trophy : देव न करो पण... भारत-ऑस्ट्रेलिया सेमीफायनल सामना रद्द झाला तर कोण खेळणार फायनल? काय सांगतो ICCचा नियम
2025 च्या चॅम्पियन्स ट्रॉफीमध्ये अनेक रोमांचक सामने पाहिला मिळाले. आता 4 फेब्रुवारीपासून नॉकआउट सामने सुरू होणार आहेत.
India vs Australia Semi-Final Champions Trophy : 2025 च्या चॅम्पियन्स ट्रॉफीमध्ये अनेक रोमांचक सामने पाहिला मिळाले. आता 4 फेब्रुवारीपासून नॉकआउट सामने सुरू होणार आहेत. स्पर्धेतील पहिला उपांत्य सामना भारत आणि ऑस्ट्रेलिया या संघांमध्ये खेळला जाईल. दोन्ही संघांमधील हा सामना दुबईतील दुबई आंतरराष्ट्रीय क्रिकेट स्टेडियमवर होणार आहे. पण सर्वात मोठा प्रश्न असा आहे की, जर दोन्ही संघांमध्ये होणारा उपांत्य सामना पावसामुळे रद्द झाला तर कोणता संघ अंतिम फेरीत पोहोचेल.
भारत-ऑस्ट्रेलिया सेमीफायनल सामना रद्द झाला तर फायनल कोण खेळणार?
2025 च्या चॅम्पियन्स ट्रॉफीमध्ये पावसाचे आणि ऑस्ट्रेलियाचे वेगळेच नाते आहे. गेल्या दोन हंगामामध्ये ऑस्ट्रेलियाचे 3 सामने पावसामुळे वाया गेले. यावेळीही पावसामुळे ऑस्ट्रेलियाचा एक सामना होऊ शकला नाही. अशा परिस्थितीत चाहत्यांच्या मनात अशी भीती आहे की, जर सेमीफायनलमध्ये असेच काही घडले, तर कोणत्या संघाचे नुकसान होईल. यावेळी आयसीसीने दोन्ही उपांत्य सामन्यांसाठी राखीव दिवस ठेवला आहे. पण नियोजित तारखेला खेळ पूर्ण करण्यासाठी सर्वतोपरी प्रयत्न केले जातील. जर हे शक्य नसेल, तर राखीव दिवशी सामना जिथे थांबवला होता तिथून सुरू होईल.
म्हणजेच जर भारत-ऑस्ट्रेलिया उपांत्य सामना 4 मार्च रोजी पूर्ण झाला नाही, तर 5 मार्च हा राखीव दिवस म्हणून वापरला जाईल. त्याच वेळी, डकवर्थ लुईस नियमांनुसार, नंतर फलंदाजी करणाऱ्या संघाला निकाल मिळविण्यासाठी किमान 25 षटके खेळावी लागतील. गट टप्प्यात, दुसऱ्या क्रमांकावर फलंदाजी करणाऱ्या संघाला फक्त 20 षटके खेळावी लागतात. पण जर राखीव दिवशीही सामन्याचा निकाल लागला नाही, तर गट टप्प्यात अव्वल स्थानावर असलेला संघ अंतिम फेरीत पोहोचेल. तुम्हाला सांगतो की, भारतीय संघ गट टप्प्यात अव्वल स्थानावर होता. अशा परिस्थितीत जर सामन्याचा निकाल लागला नाही तर भारत अंतिम सामना खेळेल.
दक्षिण आफ्रिका-न्यूझीलंड सामन्यासाठीही राखीव दिवस
चॅम्पियन्स ट्रॉफी 2025 चा दुसरा उपांत्य सामना दक्षिण आफ्रिका आणि न्यूझीलंड संघांमध्ये खेळला जाणार आहे. लाहोरमधील गद्दाफी स्टेडियमवर हे दोन्ही संघ आमनेसामने येतील. या सामन्यासाठी 6 मार्च हा राखीव दिवस ठेवण्यात आला आहे. जर या सामन्याचाही निकाल लागला नाही, तर दक्षिण आफ्रिकेचा संघ अंतिम फेरीसाठी पात्र ठरेल. खरंतर, दक्षिण आफ्रिका ग्रुप बी मध्ये अव्वल स्थानावर होता. तर न्यूझीलंडने अ गटात दुसरे स्थान पटकावले होते.
हे ही वाचा -
महत्त्वाच्या बातम्या
