IND Legends vs SA Legends : सचिनची सेना भिडणार जॉन्टी रोड्सच्या टोळीशी, कधी, कुठे पाहाल सामना?
Road Safety World Series : रोड सेफ्टी वर्ल्ड सिरीजच्या दुसऱ्या हंगामाला आजपासून (10 सप्टेंबर) कानपूर येथे सुरूवात होत आहे. जगभरातील माजी दिग्गज क्रिकेटर यावेळी मैदानात उतरणार आहेत.
Road Safety World Series, IND Legends vs SA Legends : क्रिकेट जगतातील दिग्गज खेळाडू आजपासून मैदानात उतरणार आहेत. रोड सेफ्टी वर्ल्ड सिरीजचा (Road Safety World Series) दुसरा हंगाम आजपासून (10 सप्टेंबर) सुरु होणार आहे. 2 ऑक्टोबरपर्यंत पार पडणाऱ्या या सामन्यांतील आज पहिला सामना कानपूर येथे खेळवला जाणार आहे. विशेष म्हणजे, या रोड सेफ्टी वर्ल्ड सीरिजमध्ये सचिन तेंडुलकर (Sachin Tendulkar) याच्या नेतृत्त्वाखाली आज इंडिया लीजेंड्सचा संघ (India Legends) मैदानात उतरणार आहे. समोर दक्षिण आफ्रिका लीजेंड्सचा (South Africa Legends) संघ असणार आहे. त्यांंचं नेतृत्त्व आफ्रिकेचा माजी दिग्गज खेळाडू जॉन्टी रोड्स करणार आहे.
कधी आहे सामना?
आज अर्थात 10 सप्टेंबर रोजी इंडिया लीजेंड्स विरुद्ध दक्षिण आफ्रिका लीजेंड्स यांच्यातील हा सामना खेळवला जाईल. भारतीय वेळेनुसार सायंकाळी 7 वाजून 30 मिनिटांनी सामना सुरु होईल.
कुठे आहे सामना?
हा सामना कानपूर येथील ग्रीन पार्क मैदानात खेळवला जाणार आहे.
कुठे पाहता येणार सामना?
इंडिया लीजेंड्स विरुद्ध दक्षिण आफ्रिका लीजेंड्स यांच्यातील हा सामना कलर्स नेटवर्कच्या चॅनेल्सवर पाहता येणार आहे. तसंच वूट (Voot) आणि जिओ टीव्ही अॅपवरही (Jio TV) सामना पाहता येईल. याशिवाय https://marathi.abplive.com/ येथेही तुम्हाला सामन्याचे अपडेट्स पाहता येतील.
कसे आहेत दोन्ही संघ?
भारत लीजेंड्स
सचिन तेंडुलकर (कर्णधार), युवराज सिंह, युसूफ पठाण, इरफान पठाण, हरभजन सिंह, नमन ओझा, सुरेश रैना, प्रज्ञान ओझा, विनय कुमार, मुनाफ पटेल, एस बद्रीनाथ, मनप्रीत गोनी, राहुल शर्मा, राजेश पवार, अभिमन्यू मिथुन , स्टुअर्ट बिन्नी.
दक्षिण आफ्रिका लीजेंड्स
जॉन्टी रोड्स (कर्णधार), अलवीरो पीटरसन, एड्रयू पुटिक, एडी लेई, गारनेट क्रूगर, हेनरी डेविड, जॅकविस रुडाल्फ, जोहान बोथा, जोहान वॅन डर वॅथ, लान्स क्लूजनर, एल नोरिस जोन्स, मखाया नथिनी, मोर्न वॅन, टी शबाला, वरनॉन फिलॅन्डर, जेन्डर डी ब्रायन.
हे देखील वाचा-
महत्त्वाच्या बातम्या
ट्रेंडिंग न्यूज
