IND vs PAK Date : रविवारी रंगणार भारत–पाकिस्तान महामुकाबला! नेमका किती वाजता सुरू होणार सामना? 'या' ठिकाणी फ्री पाहा मैदानावरील युद्ध!
India vs Pakistan Champions Trophy : 2025 च्या चॅम्पियन्स ट्रॉफीतील हाय व्होल्टेज सामना रविवार 23 फेब्रुवारी रोजी खेळला जाणार आहे.
India vs Pakistan Champions Trophy Live Streaming : 2025 च्या चॅम्पियन्स ट्रॉफीतील हाय व्होल्टेज सामना रविवार 23 फेब्रुवारी रोजी खेळला जाणार आहे. या दिवशी भारत आणि पाकिस्तान आमनेसामने असतील. हा सामना दुबई आंतरराष्ट्रीय स्टेडियमवर खेळला जाईल. पाकिस्तानसाठी हा सामना एखाद्या नॉकआउट सामन्यापेक्षा कमी नाही.
भारतीय वेळेनुसार दुपारी 2.30 वाजल्यापासून तुम्ही भारत आणि पाकिस्तानमधील सामना पाहू शकता. या हाय व्होल्टेज सामन्याचा टॉस दुपारी 2 वाजता होईल. 2025 च्या चॅम्पियन्स ट्रॉफीमध्ये दोन्ही संघांचा हा दुसरा सामना असेल. भारताने पहिल्या सामन्यात बांगलादेशला हरवले आहे. तर पाकिस्तानला न्यूझीलंडकडून दारुण पराभव स्वीकारावा लागला.
चॅम्पियन्स ट्रॉफीतून पाकिस्तान संघ होणार बाहेर?
जर पाकिस्तान संघाने हा सामना गमावला तर त्यांना चॅम्पियन्स ट्रॉफीच्या उपांत्य फेरीत पोहोचणे जवळजवळ अशक्य होईल. या कारणास्तव, हा सामना पाकिस्तानसाठी नॉकआउट सामन्यासारखा आहे. पण, कोणत्याही देशाच्या संघासाठी बलाढ्य भारतीय संघाला हरवणे सोपे असणार नाही. भारतीय संघाने पहिल्याच सामन्यात आपली ताकद दाखवून दिली आहे.
फखर झमान चॅम्पियन्स ट्रॉफीमधून बाहेर
2025 च्या चॅम्पियन्स ट्रॉफीपूर्वी, सॅम अयुबला संघातून वगळण्यात आल्यामुळे पाकिस्तानला मोठा धक्का बसला. पहिल्या सामन्यातील पराभवानंतर आता पाकिस्तानी संघाला आणखी एक मोठा धक्का बसला आहे. स्टार सलामीवीर फखर झमानलाही स्पर्धेतून बाहेर करण्यात आले आहे. पण, फखरच्या जागी वरिष्ठ खेळाडू इमाम उल हकला संघात संधी मिळाली आहे.
भारत-पाकिस्तान सामना लाईव्ह कुठे पाहू शकाल?
मोबाईलवर भारत-पाकिस्तान सामना पाहणारे चाहते जिओस्टारवर मोफत पाहू शकता. तुम्ही स्टार स्पोर्ट्स नेटवर्क चॅनेलवर टीव्हीवर हा सामना लाईव्ह पाहू शकता. तुम्ही एकूण 9 भाषांमध्ये या सामन्याचा आनंद घेऊ शकता. जिओस्टारवर भोजपुरी आणि हरियाणवी भाषेतही समालोचन असेल. या मेगा-मॅचची सर्व तिकिटे आधीच विकली गेली असल्याने चाहत्यांनी स्टेडियममध्ये जाऊन सामना पाहण्याची संधी गमावली.
आयसीसी चॅम्पियन्स ट्रॉफी 2025 साठी भारतीय संघ : रोहित शर्मा (कर्णधार), शुभमन गिल, विराट कोहली, श्रेयस अय्यर, केएल राहुल, ऋषभ पंत , हार्दिक पंड्या, अर्शदीप सिंग, मोहम्मद शमी, रवींद्र जाडेजा, अक्षर पटेल, वॉशिंग्टन सुंदर, कुलदीप यादव, वरुण चक्रवर्ती, हर्षित राणा.
आयसीसी चॅम्पियन्स ट्रॉफी 2025 साठी पाकिस्तान संघ : बाबर आझम, फखर जमान, कामरान गुलाम, सौद शकील, तय्यब ताहिर, फहीम अशरफ, खुशदिल शाह, सलमान अली आघा, मोहम्मद रिजवान, उस्मान खान, अबरार अहमद, हरिस रौफ, मोहम्मद हसनैन, नसीम शाह , शाहीन शाह आफ्रिदी.
हे ही वाचा -
महत्त्वाच्या बातम्या
