Ind vs Aus Test Series : टीम इंडियाला मिळाला 'ध्रुव तारा'! बॉर्डर-गावसकर ट्रॉफीतून KL राहुल-सर्फराजचा पत्ता कट?
Dhruv Jurel Ind vs Aus Test Series : न्यूझीलंडविरुद्ध घरच्या मैदानावर माती खाल्ल्यानंतर टीम इंडियासमोर आता बॉर्डर-गावसकर ट्रॉफीमध्ये मोठे आव्हान असणार आहे.
India vs Australia Test Series : न्यूझीलंडविरुद्ध घरच्या मैदानावर माती खाल्ल्यानंतर टीम इंडियासमोर आता बॉर्डर-गावसकर ट्रॉफीमध्ये मोठे आव्हान असणार आहे. भारतीय संघ लवकरच ऑस्ट्रेलियाला रवाना होणार आहे. 22 नोव्हेंबरपासून पर्थमध्ये 5 सामन्यांच्या कसोटी मालिकेला सुरुवात होणार आहे, ज्यासाठी भारतीय संघाची घोषणा आधीच करण्यात आली होती. असे मानले जात आहे की रोहित शर्मा वैयक्तिक कारणांमुळे या मालिकेतील पहिल्या कसोटीतून बाहेर पडू शकतो, अशा परिस्थितीत टीम इंडियाला त्याच्या बदलीचा शोध घ्यावा लागेल.
पहिल्या कसोटीत सलामीवीर म्हणून केएल राहुल संघात समाविष्ट होण्याचा दावेदार आहे. पण भारत अ संघासाठी दोन्ही डावात तो केवळ 14 धावा करू शकला. दुसऱ्या डावात 10 धावा करून राहुल बाद झाला. आणि दुसऱ्या डावात तर केएल अतिशय विचित्र पद्धतीने बाद झाला. चेंडू त्याच्या पायांमधून गेला आणि स्टंपला लागला. अशा प्रकारे ऑस्ट्रेलियातही त्याचा फ्लॉप शो सुरू आहे.
ऑस्ट्रेलियात भारतीय फलंदाज ठरले अपयशी
भारतीय संघातील सलामीवीराचा आणखी एक दावेदार अभिमन्यू ईश्वरनही फेल ठरला. अभिमन्यू ईश्वरन पहिल्या अनधिकृत कसोटीत 7 आणि 12 धावांची खेळी खेळू शकला. दुसऱ्या अनधिकृत कसोटीत तर पहिल्या डावात त्याने 17 धावा केल्या तर दुसऱ्या डावात त्याला खातेही उघडता आले नाही. या सामन्यात इतर फलंदाजांचीही तीच अवस्था होती.
ऑस्ट्रेलियन खेळपट्ट्यांचा अनुभव घेता यावा म्हणून केएल राहुलसोबत ध्रुव जुरेललाही दुसऱ्या अनधिकृत कसोटीसाठी ऑस्ट्रेलियाला पाठवण्यात आले होते. ध्रुव जुरेलने दोन्ही हातांनी ही संधी साधली आणि दोन्ही डावात आपल्या अप्रतिम फलंदाजीने सर्वांना प्रभावित केले. ध्रुव जुरेल वगळता जवळजवळ संपूर्ण भारत अ संघ मेलबर्नच्या वेगवान आणि उसळत्या खेळपट्टीवर संघर्ष करताना दिसला.
टीम इंडियाला मिळाला 'ध्रुव तारा'
ध्रुव जुरेल हा एकमेव फलंदाज होता, ज्या क्रीजवर टिकून होता. पहिल्या डावात भारतीय 'अ' संघाची सर्वोच्च क्रमवारी ढासळल्यानंतर त्याने जबाबदारी स्वीकारली आणि 186 चेंडू खेळून बराच वेळ क्रीजवर घालवला. यादरम्यान त्याच्याकडे शतक झळकावण्याची उत्तम संधी होती, पण त्याला दुसऱ्या टोकाकडून कोणत्याही फलंदाजाची साथ मिळू शकली नाही. त्याचा परिणाम असा झाला की तो शतकापासून 20 धावा दूर राहिला आणि पहिल्या डावात 80 धावा करून आऊट झाला. तर दुसऱ्या डावातही त्याने हाच खेळ दाखवला आणि 68 धावांची अप्रतिम खेळी खेळली. त्याने 122 चेंडूंचा सामना केला ज्यामध्ये त्याने 5 चौकार मारले.
Dhruv Jurel in This Match vs Australia A:
— Cricket Sarcasm (@nabeel_796) November 9, 2024
- India A 11/4, He scored 80(186).
- India A 56/4, He scored 68(122).
He is Playing First Match in Australia & He's Highest Runs Scorer For India A in Both innings - DHRUV JUREL, THE FUTURE STAR. 🌟#INDvSA #SanjuSamson pic.twitter.com/PiRh9azlBr
आता ध्रुव जुरेलला पर्थ कसोटीत प्लेइंग-11 मध्ये संधी मिळणार की त्याला वाट पाहावी लागेल, असा प्रश्न उपस्थित होत आहे. मात्र, गेल्या मालिकेतील केएल राहुल आणि सर्फराज खान यांची कामगिरी पाहता ध्रुव जुरेल सहाव्या क्रमांकावर खेळण्यास पात्र आहे. ऑस्ट्रेलियात स्वत:ला सिद्ध केल्यानंतर त्याच्या संधी आणखी वाढल्या आहेत.
DHRUV JUREL, THE WARRIOR...!!! 🇮🇳
— Mufaddal Vohra (@mufaddal_vohra) November 9, 2024
1st innings - 80 (186) when India 11/4.
2nd innings - 68 (122) when India 56/5.
UNBELIEVABLE TEMPERAMENT FOR SOMEONE PLAYING FIRST TIME IN AUSTRALIA, TAKE A BOW JUREL...!!!! 🙇♂️ pic.twitter.com/3B8cYb1n49
भारताचा माजी क्रिकेटपटू आकाश चोप्रा देखील ध्रुव जुरेलच्या समर्थनात आहे. तो म्हणाला की ध्रुव जुरेल हा एकमेव फलंदाज होता, ज्याने पहिल्या डावात चमकदार कामगिरी केली. 186 चेंडू खेळले आणि 80 धावा केल्या. भारत अ संघ 80-85 धावांवर बाद होण्याचा धोका होता, परंतु त्यांनी धावसंख्या 161 पर्यंत नेली. ध्रुव जुरेलला सर्फराज आणि केएल राहुलला मागे टाकून भारताचा सहावा क्रमांकाचा फलंदाज बनण्याची संधी आहे.
महत्त्वाच्या बातम्या
ट्रेंडिंग न्यूज
