Happy Birthday Sourav Ganguly: भारताचा सर्वात यशस्वी कर्णधार! कशी होती सौरव गांगुलीची कारकिर्द?

Happy Birthday Sourav Ganguly: भारतीय क्रिकेट संघाचा माजी कर्णधार सौरव गांगुली आज त्याचा 50 वा वाढदिवस साजरा करत आहे.

Happy Birthday Sourav Ganguly

Happy Birthday Sourav Ganguly: भारतीय क्रिकेट संघाचा माजी कर्णधार सौरव गांगुली आज त्याचा 50 वा वाढदिवस साजरा करत आहे. 'प्रिंस ऑफ कोलकाता', 'दादा' या नावांनी प्रसिद्ध असलेला सौरव गांगुलीचा जन्म 8 जुलै 1972 रोजी झाला. भारतीय क्रिकेटच्या यशस्वी कर्णधाराच्या यादीत सौरव गांगुलीचं नाव घेतलं जात आहे. दरम्यान, सौरव गांगुलीनं भारतीय संघाची धुरा संभाळण्याअगोदर भारतीय संघ खूप संघर्ष करत होता. परंतु, सौरव गांगुलीनं युवा खेळाडूंना सोबत घेऊन एक मजबूत संघ तयार केला. 

सौरव गांगुलीकडून मजबूत संघाची निवड
सौरव गांगुलीच्या नेतृत्वात भारतीय संघ 2003 मध्ये आयसीसी एकदिवसीय विश्वचषकाच्या अंतिम सामन्यात पोहचला होता. ऑस्ट्रेलियाविरुद्ध अंतिम सामन्यात भारताला पराभव स्वीकारावा लागला,पण भारतीय संघाला नवी दिशा मिळाली. सौरव गांगुलीच्या नेतृत्वात वीरेंद्र सेहवाग, युवराज सिंह, जहीर खान, हरभजन सिंह आणि मोहम्मद कॅफसारख्या दमदार कामगिरी करत सर्वांना प्रभावित केलं. सौरव गांगुलीच्या नेतृत्वात भारतीय संघाचा पाया रचला गेला, ज्याचा भारताला भविष्यात फायदा मिळाला, असंही म्हटलं जातंय. 

सौरव गांगुलीची कारकिर्द
सौरव गांगुलीनं त्याच्या कारकिर्दीत 113 कसोटी, 311 एकदिवसीय  आणि आयपीएलमधील 59 सामने खेळले आहेत. त्यानं कसोटी क्रिकेटमध्ये 7 हजार 212 धावा केल्या आहेत. ज्यात 16 शतक आणि एका द्विशतकाचा समावेश आहे. तर,एकदिवसीय क्रिकेटमध्ये 11 हजार 363 धावा केल्या आहेत. एकदिवसीय क्रिकेटमधील त्याची सर्वोत्तम धावसंख्या 183 धावा इतकी आहे. एकदिवसीय क्रिकेटमध्ये त्यानं 22 शतक आणि 72 वेळा 50 किंवा त्याहून अधिक धावा केल्या आहे. आयपीएलमध्ये सौरव गांगुलीनं कोलकाता नाईट रायडर्सच्या संघाचं नेतृत्व केलं आहे. तसेच पुणे वॉरियर्सकडून तो खेळला आहे. 

हे देखील वाचा-