एकीकडं दु:ख, दुसरीकडं आनंद; पाकिस्तान वर्ल्ड कपमधून बाहेर पडल्यानंतर काय घडलं?
पाकिस्तान क्रिकेटचा (Pakistan) संघ विश्वचषक 2023 या स्पर्धेतून बाहेर पडला आहे. यानंतर पाकिस्तानमध्ये दोन महत्वाच्या घटना घडल्या आहेत.
Pakistan Share Market : पाकिस्तानचा (Pakistan) संघ विश्वचषक 2023 या स्पर्धेतून बाहेर पडला आहे. इंग्लंडविरुद्धच्या शेवटच्या साखळी सामन्यात पाकिस्तानला 93 धावांनी मोठा पराभव पत्करावा लागला. यानंतर दुसरीकडे, कराचीमध्ये दिवाळी साजरी करण्यात आली. खरंतर, पाकिस्तान क्रिकेट संघ वर्ल्ड कपमधून बाहेर पडल्यानंतर पाकिस्तानच्या शेअर बाजाराने उच्चांक गाठला आहे. पाकिस्तानच्या कराची स्टॉक एक्स्चेंजने प्रथमच 55 हजारांचा टप्पा ओलांडताना दिसला. दुसरी मोठी आनंदाची बातमी म्हणजे पाकिस्तानचे फॉरेक्स 1000 कोटी पाकिस्तानी रुपयाने वाढले आहे. त्यानंतर पाकिस्तानचा परकीय चलन साठा 12 अब्ज डॉलर्सपेक्षा जास्त झाला आहे.
मिळालेल्या माहितीनुसार, पाकिस्तानच्या कराची स्टॉक एक्स्चेंजने प्रथमच 55 हजारांचा टप्पा ओलांडताना दिसला. दुसरी मोठी आनंदाची बातमी म्हणजे पाकिस्तानचे फॉरेक्स 1000 कोटी पाकिस्तानी रुपयाने वाढले आहे. त्यानंतर पाकिस्तानचा परकीय चलन साठा 12 अब्ज डॉलर्सपेक्षा जास्त झाला आहे. कराची स्टॉक एक्सचेंजमध्ये तेजी आली आहे. पाकिस्तानी मीडिया ग्रुप जिओ न्यूजच्या वृत्तानुसार, कराची स्टॉक एक्सचेंज प्रथमच 55 हजारांचा आकडा पार केल्यानंतर बंद झाला. मीडिया रिपोर्ट्सनुसार, KSE 55506 अंकांवर गेला. ब्लूमबर्गच्या अहवालानुसार, तो 1000 हून अधिक अंकांच्या वाढीसह 55,399.66 अंकांवर बंद झाला आहे. मीडिया रिपोर्ट्सनुसार शेअर बाजारातील वाढीचे मुख्य कारण म्हणजे IMF च्या पहिल्या आढाव्यात यश मिळण्याची आशा आहे. तज्ज्ञांचा हवाला देत अहवालात म्हटले आहे की, आगामी काळात पाकिस्तानच्या शेअर बाजारात तेजी राहण्याची शक्यता आहे.
ट्रेडिंग व्हॉल्यूममध्ये वाढ
पाकिस्तानच्या देशांतर्गत गुंतवणूकदारांनी केलेली खरेदी आणि पाकिस्तानी रोखे उत्पन्नात झालेली घट यामुळं बाजारात तेजीचे वातावरण आहे. Jio कारच्या रिपोर्टनुसार, IMF च्या चालू आढाव्यामुळे पाकिस्तानच्या शेअर बाजारातही वातावरण तयार होत आहे. ट्रेडिंग सत्रादरम्यान शेअर्सचे मूल्य 21.1 अब्ज पाकिस्तानी रुपये होते. जिओ न्यूजच्या अहवालानुसार, PSX वर सरासरी ट्रेडिंग व्हॉल्यूम 2.4 वर्षांच्या उच्च पातळीवर होता.
पाकिस्तानचा परकीय चलनसाठा वाढला
काही महिन्यांपूर्वीपर्यंत पाकिस्तानचा परकीय चलन साठा खूपच कमी झाला होता. पाकिस्तानकडेही डॉलर्स आयात करण्यासाठी काही दिवस शिल्लक होते. आता त्यात सुधारणा होताना दिसत आहे. जिओच्या अहवालानुसार 3 नोव्हेंबर रोजी संपलेल्या आठवड्यात पाकिस्तानच्या परकीय चलनाच्या साठ्यात 3.76 दशलक्ष डॉलर्सची वाढ झाली आहे. पाकिस्तानच्या तिजोरीत आता 12.61 अब्ज डॉलरचा परकीय चलन साठा आहे. दुसरीकडे, या काळात भारताचा परकीय चलन साठा 590 अब्ज डॉलरवर पोहोचला आहे.
महत्त्वाच्या बातम्या
