Commonwealth Games 2022 : महाराष्ट्रातील कॉमनवेल्थ पदक विजेत्यांवर लाखोंचा वर्षाव, शासनाकडून बक्षिसाच्या रकमेत मोठी वाढ

CWG 2022 : कॉमनवेल्थ 2022 मध्ये भारत चौथ्या स्थानी राहिला असून भारताने एकूण 61 पदकांवर यंदा नाव कोरलं. यामध्ये 22 सुवर्णपदकं, 16 रौप्यपदकांसह 23 कांस्यपदकांचा समावेश होता. यावेळी महाराष्ट्राच्या 7 खेळाडूंनी विजयी कामगिरी केली.

Avinash Sable

Commonwealth Games 2022 : इंग्लंडच्या बर्मिंगहममध्ये राष्ट्रकुल स्पर्धा अर्थात कॉमनवेल्थ स्पर्धा (Commonwealth Games 2022) पार पडली. भारताने यंदा 61 पदकांवर यंदा नाव कोरत चौथं स्थान मिळवलं. यावेळी हरयाणा आणि पंजाबच्या सर्वाधिक खेळाडूंनी पदकांना गवसणी घातली असती तरी महाराष्ट्राच्या 14 खेळाडूंनी सहभाग घेतला असून 7 जणांनी पदकाला गवसणी घातली. दरम्यान या खेळाडूंना महाराष्ट्र सरकारने आधी जाहीर केलेल्या रकमेत मोठी वाढ केली आहे. यावेळी सुवर्णपदकविजेत्यांना 12 लाख 50 हजारांचं बक्षिस जाहीर करण्यात आलं होतं, हे आता थेट 50 लाख करण्यात आलं आहे. रौप्य आणि कांस्य पदक विजेत्यांची बक्षिसाची रक्कमही वाढवण्यात आली आहे. महाराष्ट्राचे क्रीडामंत्री गिरीष महाजन यांनी याबाबतची माहिती दिली आहे.

यंदा कॉमनवेल्थ स्पर्धांमध्ये महाराष्ट्रातील 14 खेळाडू सहभागी झाले होते. यावेळी 7 खेळाडूंनी पदकांना गवसणी घातली. दरम्यान विजयी खेळाडूंना केंद्र सरकार 30 लाख तर महाराष्ट्र सरकारने 12 लाख 50 हजार रुपये देण्याचं जाहीर केलं होतं. दरम्यान सुवर्णपदक विजेत्यांची बक्षिसाची रक्कम 12.50 लाखांवरुन 50 लाख केली आहे. तर रौप्य पदक विजेत्यांना 7 लाखांहून 30 लाख देण्याचं जाहीर केलं आहे. याशिवाय कांस्य पदक विजेत्यांना 5 लाखांहून आता 20 लाख दिले जाणार आहेत. याशिवाय प्रशिक्षकांना देखील तीन लाखाच्या जागी 12 लाख देण्यात येणार आहेत.  

खेळांना प्रोत्साहन देण्यासाठी प्रयत्न करणार

राज्याचे क्रीडामंत्री गिरीष महाजन यांनी बक्षिसाची रक्कम वाढवताना खेळांना प्रोत्साहन देण्यासाठी प्रयत्न करणार असल्याचंही त्यांनी सांगितलं. त्यामुळे शाळेत शारिरीक शिक्षणाच्या अर्थात पीटीच्या तासाची सक्ती देखील केली जाणार आहे. तसंच पीटी शिक्षकांची भरती ही बंद केली होती, त्यावरही निर्णय घेतला जाणार आहे. 

राज्यनिहाय पदकांची टॅली

राज्यनिहाय पदकांचा विचार करता सर्वाधिक म्हणजेच 24 पदकं हरयाणाच्या खेळाडूंनी मिळवली. तर 18 पदकं पंजाबला मिळाली. यानंतर दिल्ली आणि झारखंड यांनी प्रत्येकी 8 तर महाराष्ट्राने 7 तर तेलंगना 6 आणि केरळ-तामिळनाडूने अनुक्रमे 5 आणि 4 पदक मिळवली. तसंच गुजरातने 4 तर चंदीगड, मणिपूर आणि उत्तराखंडने प्रत्येकी 3 विकेट्स मिळवले, कर्नाटक, उत्तर प्रदेश, मिझोरम आणि ओडिसा यांनी प्रत्येकी दोन पदकं जिंकली. तर मध्य प्रदेश, आंध्रप्रदेश, आसाम, हिमाचल प्रदेश, पश्चिम बंगाल आणि हैद्रबादमधील खेळाडूंनी प्रत्येकी एक पदक जिंकलं.

भारतासाठी पदक जिंकलेल्या खेळाडूंची यादी

सुवर्णपदक- 22
मीराबाई चानू, जेरेमी लालरिनुंगा, अंचिता शेउली, महिला लॉन बॉल संघ, टेबल टेनिस पुरुष संघ, सुधीर, बजरंग पुनिया, साक्षी मलिक, दीपक पुनिया, रवी दहिया, विनेश फोगट, नवीन, भाविना पटेल, नीतू घणघस, अमित पंघाल, एल्डहॉस पॉल, निकहत जरीन, शरथ-श्रीजा, पीव्ही सिंधू, लक्ष्य सेन, बॅडमिंटन पुरुष दुहेरी संघ, शरथ कमाल

रौप्यपदक- 15
संकेत सरगर, बिंद्याराणी देवी, सुशीला देवी, विकास ठाकूर, भारतीय बॅडमिंटन संघ, तुलिका मान, मुरली श्रीशंकर, अंशू मलिक, प्रियंका गोस्वामी, अविनाश साबळे, पुरुष लॉन बॉल संघ, अब्दुल्ला अबोबकर, शरथ-साथियान, महिला क्रिकेट संघ, सागर, पुरुष हॉकी संघ.

कांस्यपदक- 23
गुरुराजा पुजारी, विजय कुमार यादव, हरजिंदर कौर, लवप्रीत सिंह, सौरव घोषाल, गुरदीप सिंह, तेजस्वीन शंकर, दिव्या काकरन, मोहित ग्रेवाल, जास्मिन, पूजा गेहलोत, पूजा सिहाग, मोहम्मद हुसामुद्दीन, दीपक नेहरा, रोहित टोकस, महिला हॉकी संघ , संदीप कुमार, अन्नू राणी, सौरव-दीपिका, किदम्बी श्रीकांत, त्रिशा-गायत्री, साथियान गनसेकरन

 

हे देखील वाचा-