Coronavirus | हॉलिवूडमधील 'हे' सेलिब्रिटींना कोरोना बाधित

गेम ऑफ थ्रोन्स मधील अभिनेता ख्रिस्तोफर हिवु देखील कोरोना बाधित आहे. त्याने आपल्या इन्स्टाग्राम अकाउंटवरून याबाबत माहिती दिली. त्याने सांगितलं की, त्याने स्वतःला आपल्या घरात आयसोलेशनमध्ये ठेवलं आहे. तसेच आपल्या प्रकृतीबाबत सांगताना त्याने सांगितले की, सध्या त्याला सर्दीचं लक्षण जाणवत आहे. तसेच त्यानेही आपल्या चाहत्यांवा कोरोनापासून सावध राहण्याचा सल्ला दिला आहे.

हॉलिवूडचा बहुचर्चित चित्रपटांमध्ये दिसून आलेला अभिनेता इदरीस इल्बाला कोरोनाची लागण झाली आहे. काही दिवसांपूर्वी त्याने आपल्या सोशल मीडिया अकाउंटवरून यासंदर्भात माहिती दिली. त्याने आपल्या पोस्टमध्ये लिहिलं की, 'कोरोनाची तपासणी केल्यावर त्याचा रिपोर्ट कोरोना पॉझिटिव्ह आला. तसेच काळजी करू नका माझ्या प्रकृतीबाबत मी सोशल मीडियावर माहिती देत राहिल असंही त्याने सांगितलं आहे.