केरळमध्ये पावसाचा हाहाकार, 22 जणांचा मृत्यू, जनजीवन विस्कळीत

केरळला मुसळधार पावसाने झोडपलं आहे. गेल्या 24 तासांमध्ये राज्यात मुसळधार पाऊस सुरु आहे. यात एकूण 22 जणांचा मृत्यू झाला आहे. केरळात अनेक ठिकाणी पूर आले असून काही ठिकाणी दरडसुद्धा कोसळली आहे.

गुरुवारी रात्री पंतप्रधान नरेंद्र मोदी यांनीदेखील केरळचे मुख्यमंत्री पी. विजयन यांच्याशी फोनवरुन चर्चा केली. आपातकालीन समयी केंद्र सरकारकडून केरळला सर्वतोपरी सहकार्य केले जाईल, असे आश्वासन मोदींनी दिले.