Venkatesh Iyer : टीम इंडिया टी 20 वर्ल्ड कपसाठी अमेरिकेत, इकडे युवा खेळाडूनं सुरु केली नवी इनिंग, व्यंकटेश अय्यर अडकला विववाहबंधनात

IPL 2024: कोलकाता नाइट राइडर्सचा आणि टीम इंडियाचा खेळाडू व्यंकटेश अय्यर बंगळुरुत विवाहबंधनात अडकला आहे. केकेआरला विजेतपद मिळवून देण्यात व्यंकटेश अय्यरनं महत्त्वाची भूमिका बजावली होती.

व्यंकटेश अय्यर अडकला विवाहबंधनात

कोलकाता नाईट रायडर्स आणि टीम इंडियाचा खेळाडू व्यंकटेश अय्यरनं नव्या इनिंगला सुरुवात केली आहे. व्यंकटेश अय्यर बंगळुरुत विवाहबंधनात अडकला आहे. व्यंकटेश अय्यरनं श्रती रघुनाथन हिच्याशी लग्न केलं. बंगळुरुत दोघे विवाहबंधनात अडकले.

व्यंकटेश अय्यर आणि श्रृती रघुनाथन यांचा नोव्हेंबर 2023 साखरपुडा झाला होता. आज दोघेही विवाहबंधनात अडकले. यावेळी दोघांच्या कुटुंबातील सदस्य देखील उपस्थित होते. व्यंकटेश अय्यरच्या लग्नाचे फोटो सोशल मीडियावर व्हायरल होत आहेत.

श्रेयस अय्यरच्या नेतृत्त्वातील कोलकाता नाईट रायडर्सनं 2024 च्या आयपीएलचं विजेतेपद पटकावलं होतं. केकेआरच्या विजेतेपदामध्ये व्यंकटेश अय्यरचं योगदान महत्त्वाचं ठरलं होतं. व्यंकटेश अय्यरनं यंदाच्या आयपीएलमध्ये 14 मॅच खेळल्या होत्या.

अय्यरनं 370 धावा 158.80 च्या स्ट्राईक रेटनं केल्या होत्या. व्यंकटेश अय्यरनं चार अर्धशतकं केली होती. यामध्ये सर्वाधिक 70 धावांची खेळी देखील त्यानं केली होती.

कोलकाता नाईट रायडर्सनं आयपीएलच्या फायनलमध्य सनरायजर्स हैदराबादला पराभूत केलं होतं. केकेआरच्या या विजयात व्यंकटेश अय्यरची भूमिका महत्त्वाची होती. व्यंकटेशनं नाबाद अर्धशतक झळकावत केकेआरला विजय मिळू शकला. श्रेयस अय्यरनं 52 धावांची खेळी केली आहे.