IND vs AUS : नागपूरच्या मैदानावर भारत आणि ऑस्ट्रेलिया भिडणार

बॉर्डर-गावस्कर चषकासोबत दोन्ही कर्णधारांनी फोटोशूट केले.

IND vs AUS

भारत आणि ऑस्ट्रेलिया यांच्यातील बॉर्डर-गावस्कर कसोटी मालिकेला उद्यापासून नागपूरात सुरुवात होत आहे.

बॉर्डर-गावस्कर चषकासोबत दोन्ही कर्णधारांनी फोटोशूट केले.

ऋषभ पंत आणि जसप्रीत बुमराह यांच्या अनुपस्थितीत पहिल्या कसोटी सामन्यात प्लेईंग 11 मध्ये कुणाला संधी मिळणार?

याकडे सर्वांचं लक्ष लागलेय. त्याशिवाय रविंद्र जाडेजा दुखापतीनंतर संघात पुनरागमन करणार का? या प्रश्नाचं उत्तर नाणेफेकीनंतरच मिळणार आहे.

विदर्भ क्रिकेट संघटनेच्या मैदानाची खेळपट्टी पहिल्या दिवसापासून फिरकीस पोषक राहणार असा अंदाज वर्तवला जातोय.

त्यामुळे टीम इंडिया तीन फिरकी गोलंदाजासह उतरणार का? याचं उत्तर नाणेफेकीनंतरच मिळणार आहे. सकाळी साडेनऊ वाजता सामन्याला सुरुवात होणार आहे.

कसोटी सामना सुरु होण्यापूर्वीच ऑस्ट्रेलियन मीडियाने नागपूर खेळपट्टीवरुन गंभीर आरोप केले होते.

त्या आरोपाला कर्णधार रोहित शर्माने उत्तर देत बोलती बंद केली.

नागपुरात खेळल्या जाणाऱ्या कसोटी सामन्याला अजून सुरुवातही झालेली नाही, पण ऑस्ट्रेलियन खेळाडू आणि तिथल्या मीडिया आधीच खेळपट्टीबाबत चिंतेत आहे. त्यामुळे ते काहीही वक्तव्य करत आहेत. आम्हाला फक्त खेळावर लक्ष केंद्रित करायचे आहे. उद्या जे 22 खेळाडू खेळतील, ते सर्व दर्जेदार क्रिकेटपटू आहेत. त्यांना चांगले क्रिकेट खेळावे लागेल, असे रोहित शर्मा म्हणाला.