खरेदीपेक्षा चोरी जास्त! कोणत्या वस्तूंच्या चोरीमुळे डीमार्टला सगळ्यात जास्त फटका बसतो?

डीमार्टमध्ये काही ग्राहक खरेदीच्या नावावर चॉकलेट्स, स्नॅक्स, परफ्यूम्स आणि छोटे इलेक्ट्रॉनिक आयटम्स यांसारख्या वस्तूंची चोरी करून जातात.

Dmart thefts

खरेदीसाठी ओळखला जाणारा डीमार्ट आता नव्या पद्धतीच्या चोरीमुळे चर्चेत आला आहे.ग्राहक असल्याचं भासवून काही लोक चोरी करत असल्याचे प्रकार समोर आले आहेत.

ट्रायल रूममध्ये चॉकलेट खाणं आणि महागड्या वस्तू लपवण्याच्या घटना आता वाढताना दिसतायत.

ट्रायल रूममध्ये सीसीटीव्ही नसल्यामुळे काही ग्राहक कपडे ट्राय करण्याच्या बहाण्याने ट्रायल रूममध्ये जाऊन महागडे चॉकलेट्स खातात तर काहीजण लहान वस्तू अंडरगारमेंट्समध्ये लपवून स्टोअरबाहेर जातात.

लहान मुलांनी स्टोअरमधील चॉकलेट खाल्लं तरी त्यांचे पालक काही बोलत नाहीत आणि त्याचे पैसेही देत नाहीत.

रिटेल तज्ज्ञांच्या म्हणण्यानुसार, छोट्या चोरींमुळे प्रत्येक डीमार्ट स्टोअरला रोज जवळपास 5 ते 10 हजार रुपयांचे नुकसान होत आहे.

स्टोअरमध्ये सीसीटीव्ही कॅमेरे आणि सुरक्षा रक्षक असले तरी गर्दीच्या वेळी सर्वांवर नजर ठेवणं कठीण जातंय.

डीमार्ट व्यवस्थापनाने या समस्येवर उपाय म्हणून महागड्या वस्तू लॉक असलेल्या शेल्फमध्ये ठेवणे, अधिक सीसीटीव्ही लावणे, स्टाफ वाढवणे आणि बॅग टॅग सिस्टीम सुरू करणे अशा उपाययोजना केल्या आहेत.

बिलिंग काउंटरवरच बॅगा उघडता येतात त्यामुळे चोरी काही प्रमाणात कमी झाली आहे.पण अंडरगारमेंट्समध्ये वस्तू लपवणे किंवा स्टोअरमध्येच खाऊन टाकणे या प्रकारांवर नियंत्रण ठेवणे अजूनही कठीण आहे.