83 फूट उंच, ब्रॉन्झ धातू; मालवण किल्ल्यावर उभारला शिवरायांचा नवा पुतळा, लोकार्पण कधी?

पंतप्रधान नरेंद्र मोदींच्याहस्ते लोकार्पण करण्यात आलेला मालवण किल्ल्यावरील छत्रपती शिवाजी महाराजांचा पुतळा वादळी वाऱ्याने कोसळल्यानंतर राज्यभरातून तीव्र संताप व्यक्त करण्यात आला.

Shivaji maharaj statue malvan

पंतप्रधान नरेंद्र मोदींच्याहस्ते लोकार्पण करण्यात आलेला मालवण किल्ल्यावरील छत्रपती शिवाजी महाराजांचा पुतळा वादळी वाऱ्याने कोसळल्यानंतर राज्यभरातून तीव्र संताप व्यक्त करण्यात आला.

शिवभक्तांचा संताप आणि विरोधकांनी देखील पुतळा दुर्घटनेवरुन सरकारला धारेवर धरलं होतं, त्यावेळी पहिल्यापेक्षा भव्य आणि टीकणारा पुतळा उभारण्यात येईल, असे तत्कालीन मुख्यमंत्री एकनाथ शिंदेंनी म्हटलं होतं.

ऐका बाजूला अथांग समुद्र आणि दुसऱ्या बाजूला नारळ सुपारीच्या उंच उंच झाडांच्यामध्ये वसलेल्या मालवणमधील राजकोट किल्ल्यावर आता नव्याने छत्रपती शिवाजी महाराजांचा पुतळा उभारून पूर्ण झाला आहे.

पहिल्यापेक्षा आकर्षक आणि वजनदार पुतळ्याचे येत्या 11 मे रोजी अनावरण होण्याची शक्यता आहे. मुख्यमंत्री देवेंद्र फडणवीस 11 मे ला सिंधुदुर्ग जिल्ह्या दौऱ्यावर आहेत. त्याचं दिवशी राजकोट किल्ल्यावरील शिवरायांच्या पुतळ्याचे अनावरण होण्याची शक्यता वर्तवली जात आहे.

83 फूट उंच तलवार धारी पूर्णाकृती शिवरायांचा पुतळा उभारून झाला असून अनावरणाच्या प्रतिक्षेत आहे. मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि उपमुख्यमंत्री अजित पवार यांच्यासह अनेक मंत्र्यांच्या उपस्थितीत शिवरायांच्या नव्याने उभारण्यात आलेल्या पुतळ्याचे अनावरण 11 मे ला होण्याची शक्यता आहे.

मोहेंजोदडोच्या काळात बनविलेले ब्रॉन्झ धातूपासून बनविलेल्या वास्तुकला आजही हजारो वर्षापासून जशाच्या तशा टिकून आहेत. म्हणून नव्याने उभारण्यात येणाऱ्या शिवरायांचा पुतळा ब्रॉन्झ धातूपासून बनविण्यात आला आहे.

मालवण किल्ल्यावर या नव्याने उभारण्यात आलेल्या शिवरायांच्या पुतळ्यामुळे सिंधुदुर्ग जिल्ह्याच्या मुकुटात मानाचा तुरा रोवला गेला आहे. याशिवाय कोकण पर्यटनातील हे महत्त्वाचं आकर्षण देखील ठरेल.

पुतळ्याच्या उभारणीत डुप्लेक्स स्टेनलेस स्टील आणि ब्रॉन्झ धातू वापरला जातोय. त्यामुळे हा पुतळा वर्षानुवर्षे टिकेल असं शिल्पकार अनिल सुतार यांनी सांगितलं आहे.