एक्स्प्लोर

भारतातल्या गुलाबांना परदेशातून मागणी वाढली, 40 कोटींच्या घरात उलाढाल पोहचण्याचा अंदाज

Russia Ukraine War: रशिया-युक्रेनच्या युध्दामुळं पुण्याच्या मावळमधील मुकुंद ठाकरेंना कमालीचा फायदा झाला आहे. मुकुंद ठाकरेंच्या गुलाबाला परदेशातून मोठी मागणी आहे.

By : एबीपी ब्युरो | Updated at : 22 Dec 2022 11:15 PM (IST)

Rose

1/10

रशिया-युक्रेनच्या युध्दामुळं (Russia Ukraine War) भल्याभल्यांचं कंबरडं मोडलेलं असताना भारतातील गुलाब उत्पादक शेतकरी मात्र मालामाल होणार आहे.

2/10

3/10

रशिया आणि युक्रेनच्या युद्धामुळं (Russia Ukraine War) महागाईचा भडका (Inflation) उडाला. भारतातील भल्याभल्यांचं तर कंबरडं मोडलंच, सोबतच प्रत्येक व्यक्तीला प्रत्यक्ष-अप्रत्यक्षपणे आजही याची झळ सोसावी लागत आहे. पण रशिया-युक्रेनच्या युध्दामुळं पुण्याच्या मावळमधील मुकुंद ठाकरेंना कमालीचा फायदा झाला आहे.

4/10

5/10

भारतात मोठ्या प्रमाणात गुलाब उत्पादन हे अशा पद्धतीने पॉलिहाऊसमध्ये (Pollyhouse) घेतलं जाते. तसं युरोपियन देशात हेच गुलाब उत्पादन ग्लासहाऊसमध्ये (GlassHouse) घेतलं जातं. कारण तिथं मोठ्या प्रमाणात बर्फवृष्टी (Snow Fall) होते.

6/10

बर्फवृष्टी झाली की तिथलं वातावरण बिघडते. या वातावरणाचा समतोल राखण्यासाठी जनरेटरचा वापर केला जातो. परंतु रशिया युक्रेनच्या युध्दामुळं तेलाच्या किंमती गगनाला भिडल्यात. त्यामुळं गुलाब उत्पादनाचा खर्च आवाक्याबाहेर गेला.

7/10

परिणामी यंदा युरोपियन देशातील शेतकऱ्यांनी गुलाब उत्पादन घेतलेलं नाही. त्यामुळंच भारताच्या गुलाबाला मोठी मागणी वाढली आहे.

8/10

मावळ तालुक्यातील सव्वा दोनशे हेक्टर क्षेत्रावर गुलाब फुल बहरतो. म्हणूनच देशातील गुलाब फुलाच्या उत्पादनात मावळ तालुक्याचा पन्नास टक्के वाटा असतो.

9/10

भारतातील जवळपास बाराशे एकर क्षेत्रावरील गुलाब उत्पादनातून गेल्या वर्षी फक्त व्हॅलेंटाईन-डेसाठी (Valentine Day) 21 कोटींची निर्यात झाली होती. पण यंदा वाढलेली मागणी पाहता यंदाच्या व्हॅलेंटाईन-डे वेळी तब्बल 40 कोटींच्या निर्यातीचा अंदाज आहे.

10/10

युरोपियन देशाला गुलाब फुलांचं आगार म्हटलं जातं. पण रशिया-युक्रेन युद्ध अन् त्यामुळं महागलेल्या तेलांमुळं तिथलं यंदाचं गुलाब उत्पादन थांबलं. यातूनच भारतीय गुलाब उत्पादकांना मिळालेल्या संधीचं ते सोनं करतायेत अन् मालामाल होत आहेत.

Published at : 22 Dec 2022 11:15 PM (IST)

Tags :

Rose Maharashtra News Russia Ukraine War