PHOTO : रायगडच्या दासगावमध्ये पारंपारिक होडी स्पर्धेचा थरार!

रायगड जिल्ह्यातील सावित्री नदी किनारी वसलेल्या दासगाव गावातील खाडीमध्ये रविवारी (8 जानेवारी) होड्यांची स्पर्धा रंगली.

Raigad Boat Competition

भोई समाजाची ओळख टिकवण्यासाठी 'मी दासगावचा भोई, भोईराज माझा, दर्याचा राजा' या पारंपरिक होडी स्पर्धेचे आयोजन करण्यात आलं होतं.

गेली अनेक वर्षे होडीवर उदरनिर्वाह करणाऱ्या दासगावकर भोई समाजातील तरुणांनी ही स्पर्धा आयोजित केली होती.

ग्रामस्थांसह मुंबई आणि अन्य शहरांतील लोकांनी ही स्पर्धा पाहण्यासाठी हजेरी लावली आणि रोमांचक थरार अनुभवला.

दासगाव बंदरालगत असलेल्या सावित्री नदीपात्रात रंगलेल्या या स्पर्धेत 16 होड्यांचा सहभाग होता.

मुंबईतील रंगावली संस्कार जोपासना ग्रुप आणि दासगाव भोई समाजाने ही स्पर्धा आयोजित केली होती

दासगाव हा खाडी परिसर असल्याने भरती-ओहोटीचे ज्ञान आणि होडी चालवण्याचे कसब या परिसरातील भोई समाजातील ग्रामस्थांना चांगलंच आहे.

जयेश मिंडे, परेश निवाते, आदिनाथ मिंडे यांच्या संघाने प्रथम क्रमांक पटकावला.

दिपेश निवाते, रुपेश पड्याळ, निखिल निवाते यांनी द्वितीय; तर सुमेश जाधव, प्रणेश निवाते, स्वप्नील जाधव यांनी तृतीय क्रमांक पटकावला.

दासगाव बंदरालगत असलेल्या सावित्री नदीपात्रात रंगलेल्या या स्पर्धेत 16 होड्यांचा सहभाग होता.