Pune News: पुण्यात 138 कोटी रुपयांचं सापडलं घबाड; पोलिसांना नाकाबंदीमध्ये सापडला सोन्याने भरलेला ट्रक

Pune News: एका संशयित वाहनाची पोलिसांनी झडती घेतली असता त्यात हे सर्व सोन्याचे दागिने सापडले.

Pune News

पुण्यातील सातारा रस्त्यावर आज सकाळच्या सुमारास नाकाबंदी पोलिसांनी कोट्यवधीचे सोने जप्त केले आहे.

आगामी विधानसभा निवडणुकीच्या रणधुमाळीत पुण्यात हे वाहन मिळाल्याने एकच खळबळ उडाली आहे.

नाकाबंदी दरम्यान सापडलेल्या सोन्याची किंमत जवळपास 138 कोटी रुपये असल्याची माहिती समोर येत आहे.

एका संशयित वाहनाची पोलिसांनी झडती घेतली असता त्यात हे सर्व सोन्याचे दागिने सापडले.

हे सोनं नेमकं आले कुठून, कुठे जात होते? कुणाचे होते याचा तपास आता पोलीस करत आहे.

निवडणुकीच्या पार्श्वभूमीवर पुणे शहरात जागोजागी पोलिसांनी नाकाबंदी केली आहे.

संशयित वाहनांची तपासणी केली जात असून प्राथमिक माहितीनूसार ही गाडी डिलिव्हरी ट्रान्सपोर्टची असण्याची शक्यता आहे.