Pune Crime News: स्कुटरवर मांडी घालून बसला, नंतर हात वर अन् हॅण्डल सोडलं, पुण्यातील रस्त्यावर तरुणाचा धावत्या इलेक्ट्रिक दुचाकीवर स्टंट

Pune Crime News: पुणे बेंगलोर महामार्गावरील ताथवडे परिसरात परप्रांतिय तरुण धावत्या इलेक्ट्रिक दुचाकीवर स्टंट करताना कॅमेऱ्यात कैद झाला आहे.

Pune Crime News

पुणे बेंगलोर महामार्गावर एका तरुणाने भरधाव दुचाकीवरती जीवघेणा स्टंट केला आहे, या स्टंटचा व्हिडीओ व्हायरल झाला असून अशा गोष्टींना महामार्गावर आळा घालावा अशी मागणी करण्यात येत आहे.

पुणे बेंगलोर महामार्गावरील ताथवडे परिसरात परप्रांतिय तरुण धावत्या इलेक्ट्रिक दुचाकीवर स्टंट करताना कॅमेऱ्यात कैद झाला आहे.

या तरूणाला कायद्याची कुठलीही भिती नसल्याचे त्याच्या बोलण्यावरून दिसून येत आहे.

हा तरुण मध्यप्रदेशातील आल्याचे त्याने सांगितले. दरम्यान, त्याचा व्हिडिओ शूट करणाऱ्याने त्याला पोलिस स्टेशनमध्ये जावे लागेल असे सांगितले.

त्यानंतर देखील तो बिनधास्तपणे दुचाकीवर जीवघेणे स्टंट करत होता. त्याचा दुचाकीचा नंबर MP 05 ZD 9681 असल्याचे समोर आले आहे.

सध्या सोशल मीडियावर या व्हिडिओ मोठ्या प्रमाणावर व्हायरल. या प्रकरणी पोलिस आता काय कारवाई करणार हे पाहणं देखील महत्वाचं आहे.