Pune : 'राष्ट्रीय विज्ञान दिन' पुण्यात उत्साहात साजरा! शाळकरी विद्यार्थांच्या विज्ञान प्रयोग प्रदर्शनाला उत्स्फुर्त प्रतिसाद!

Pune : विविध उपक्रमांनी भरपूर 'राष्ट्रीय विज्ञान दिन'..

विविध उपक्रमांनी भरपूर 'राष्ट्रीय विज्ञान दिन'नवीन मराठी शाळेत साजरा करण्यात आला. (Photo Credit : Reporter/Pune)

बुधवार दिनांक २८ फेब्रुवारी २०२४ रोजी डेक्कन एज्युकेशन सोसायटीच्या नवीन मराठी शाळेत राष्ट्रीय विज्ञान दिन उत्साहात साजरा झाला. (Photo Credit : Reporter/Pune)

इ-वेस्ट पासून तयार केलेली वैज्ञानिक मॉडेल्स व शोच्या वस्तू ,विविध वैज्ञानिक खेळणी, इयत्ता चौथीच्या विद्यार्थ्यांनी केलेले पीपीटी.प्रेझेंटेशन सादरीकरण, विज्ञान गीत, वर्ग पातळीवर प्रयोग सादरीकरण, स्पर्धा अशा विविध उपक्रमांचे आयोजन या निमित्ताने करण्यात आले होते. (Photo Credit : Reporter/Pune)

शाळेतील अनेक विद्यार्थ्यांनी प्रयोग सादरीकरण स्पर्धेत सहभाग घेतला, त्यांपैकी उत्कृष्ट प्रयोगांचे प्रदर्शन नवीन मराठी शाळेत भरविण्यात आले होते. मान्यवरांच्या हस्ते बाल वैज्ञानिकांना बक्षिसे देण्यात आली. (Photo Credit : Reporter/Pune)

कार्यक्रमाच्या सुरुवातीला सरस्वती पूजन, दीप प्रज्वलन व सी.व्ही.रामन यांच्या प्रतिमेचे पूजन करण्यात आली. (Photo Credit : Reporter/Pune)

या कार्यक्रमाला मानसशास्त्रज्ञ समुपदेशक, Nurture your child या समुपदेशन केंद्राच्या संचालिका चैताली कुलकर्णी या प्रमुख अतिथी म्हणून उपस्थित होत्या. (Photo Credit : Reporter/Pune)

प्रमुख अतिथी चैताली कुलकर्णी यांनी विद्यार्थ्यांना सगळ्या गोष्टीसाठी गुगलचा वापर न करता आपल्या मेंदूचा जास्तीत जास्त वापर करा अशा आशयाची गोष्ट सांगितली व सर्व बालवैज्ञानिकांनी सादर केलेल्या प्रयोगांचे खूप खूप कौतुक केले. (Photo Credit : Reporter/Pune)

शाळेच्या मुख्याध्यापिका कल्पना वाघ यांनी आपल्या प्रास्ताविकात विद्यार्थ्यांना, "आपली जिज्ञासा जागृत ठेवून प्रत्येक गोष्टीत वैज्ञानिक दृष्टिकोन जागृत ठेवा, विज्ञानाची कास धरा, देशाची प्रगती करा." असा संदेश दिला. (Photo Credit : Reporter/Pune)

इयत्ता पहिली ते चौथीच्या विद्यार्थ्यांनी विविध वैज्ञानिक प्रयोग सादर केले. पवनचक्की, सूर्यचूल, रेन वॉटर हार्वेस्टिंग, शेततळे, ठिबक सिंचन ,जलचक्र, सूर्यमाला,बिजांकुरणतरंगणे-बुडणे, पाण्याची घनता, हवेचा दाब, प्रकाशाचे अपवर्तन, आंतरेंद्रिये ,फुफ्फुसाचे कार्य अशी विविध मॉडेल्स प्रयोग सादर केले. (Photo Credit : Reporter/Pune)

मांडलेल्या विज्ञान प्रयोग प्रात्यक्षिक सादरीकरण प्रदर्शनाचे प्रमुख अतिथी चैताली कुलकर्णी व मुख्याध्यापिका कल्पना वाघ यांच्या हस्ते उद्घाटन करण्यात आले. (Photo Credit : Reporter/Pune)

शाळेत भरविण्यात आलेली विज्ञान प्रयोग प्रदर्शन पुढील २ दिवस पालकांसाठी देखील खुली असणार आहे अशी माहिती मुख्याध्यापिका कल्पना वाघ यांनी दिली. (Photo Credit : Reporter/Pune)