Virar Accident : रेतीची वाहतूक करणारा टिपर पलटी झाल्याने अपघात; महिलेचा मृत्यू, दोन जण जखमी

Virar Accident : विरार इथे एक आयवा टिपर पलटी झाल्याने त्याखाली येऊन एक जण मयत तर दोन जण जखमी झाले आहेत.

Vasai Accident

विरार इथे एक आयवा टिपर पलटी झाल्याने त्याखाली येऊन एक जण मयत तर दोन जण जखमी झाले आहेत.

जखमी पती पत्नी असून त्यांना विरारच्या संजीवनी रुग्णालयात उपचारार्थ भरती करण्यात आले आहे.

विरारच्या ग्लोबल सिटी येथील नारंगी फाटा येथे सकाळी साडेदहा वाजण्याच्या सुमारास हा अपघात झाला.

रेतीने भरलेला आयवा टिपर गाडी रस्त्याने चाललेली होती, त्याचवेळी राँग साईडने पिक गाडी आली.

यामुळे टिपर रस्त्याच्या कडेला असलेल्या खड्ड्यात पलटी झाला. यावेळी आयवा गाडीच्या समांतर मोटारसायकलने जाणारे तीन जण गाडीखाली आले.

यात सुचिता सुजीत शेलार (वय 35 वर्षे) या महिलेचा मृत्यू झाला.

तर अशोक शुक्ला आणि त्यांच्या पत्नी रमा शुक्ला हे दोघे जखमी झाले आहेत. त्यांना जवळच्या संजीवनी रुग्णालयात दाखल करण्यात आले आहे.

वसई विरार अग्निशमन दलाचे पथक आणि अर्नाळा सागरी पोलीस ठाण्याचे पोलीस घटनास्थळी पोहोचले. तीन क्रेन आणि जेसीबीच्या साहय्याने आयवा गाडी बाहेर काढण्याचा प्रयत्न करत आहेत.

या आयवा टिपरखाली आणखी कोणी दबलं असेल का याचा ही शोध पोलीस आणि अग्निशमन दलाचे जवान घेत आहेत.