Ashadhi Ekadashi 2025 : नाशिकचे उगले कुटुंबीय ठरले मानाचे वारकरी, मुख्यमंत्र्यांसोबत केली विठूरायाची शासकीय महापूजा

Ashadhi Ekadashi 2025 : नांदगाव तालुक्यातील जातेगावच्या उगले कुटुंबीयांना मुख्यमंत्र्यांसोबत पंढरपुरात शासकीय महापुजेचा मान मिळाला. त्यामुळे उगले कुटुंबीयांसह ग्रामस्थांनी आनंद व्यक्त केला.

Ashadhi Ekadashi 2025

आषाढी एकादशी निमित्ताने नाशिक जिल्ह्याच्या नांदगाव तालुक्यातील जातेगावचे शेतकरी कैलास उगले व कल्पना उगले यांना पंढरपुरात शासकीय महापूजेचा मान मिळाला.

मुख्यमंत्री देवेंद्र फडणवीस यांच्यासोबत उगले दाम्पत्यांनी सपत्नीक विठूरायाची महापूजा केली.

यावेळी मुख्यमंत्री फडणवीस यांच्या पत्नी अमृता फडणवीस आणि मुलगी दिविजा देखील उपस्थित होत्या.

विठ्ठलाची महापूजा संपन्न झाल्यानंतर मुख्यमंत्री आणि नाशिकमधील मानाचे वारकरी उगले दाम्पत्य यांनी रुक्मिणी मातेचे दर्शन घेतले.

त्यानंतर विठ्ठल रुक्मिणी मंदिर समितीच्या वतीने मुख्यमंत्री देवेंद्र फडणवीस यांचा सपत्नीक सत्कार करण्यात आला.

मुख्यमंत्री आणि अमृता फडणवीस यांच्या हस्ते मानाचे वारकरी ठरलेल्या उगले दाम्पत्याचा शाल आणि विठ्ठल रुक्मिणी मातेची मूर्ती देऊन यावेळी सन्मान करण्यात आला.

यासोबतच उगले दाम्पत्याला एक वर्षाचा एसटीचा मोफत प्रवासाचा पासही देण्यात आला.

कैलास उगले हे गेल्या 12 ते 15 वर्षांपासून नियमित पंढरपूरला वारीला जातात.

कैलास उगले हे सेवानिवृत्त सैनिक आहेत.

विठुरायाच्या शासकीय पूजेचा मान मिळाल्याने कैलास उगले यांच्या कुटुंबीयांसह जातेगाव येथील ग्रामस्थ देखील सुखावले आहेत.