Mumbai Pushpak Express Railway Accident: वाऱ्याच्या वेगानं धावणारी ट्रेन, दारावर लटकले प्रवासी ट्रॅकवर पडले; 6 जणांचा मृ्त्यू, अंगावर शहारे आणणारे PHOTO

Mumbai Pushpak Express Railway Accident: मध्य रेल्वेमार्गावर सोमवारी सकाळी एक मोठा अपघात झाडला. पुष्पक एक्स्प्रेस कसाऱ्याच्या दिशेने जात असताना या गाडीतून पाच प्रवासी रेल्वे ट्रॅकवर पडले.

Mumbai Pushpak Express Railway Accident

चालत्या एक्सप्रेसमधून खाली पडल्यामुळे प्रवासी गंभीर जखमी झाल्याचं पाहायला मिळालं. सर्व प्रवाशांना तातडीनं रुग्णालयात दाखल करण्यात आलं, पण दुर्दैवानं काही प्रवाशांचा जागीच मृत्यू झाला.

चालत्या एक्सप्रेसमधून खाली पडलेल्या प्रवाशांना तातडीनं रुग्णवाहिकेतून कळव्यातील रुग्णालयात दाखल करण्यात आलं.

मध्य रेल्वेच्या दिवा ते कोपर रेल्वे स्थानकादरम्यान ही घटना घडली. पुष्पक एक्स्प्रेस ट्रेनमध्ये प्रचंड गर्दी होती. त्यामुळे बरेच प्रवासी दारात लटकून प्रवास करत होते.

दिवा ते कोपर स्थानकांदरम्यान ट्रेन आल्यानंतर प्रवासी चालत्या ट्रेनमधून खाली पडले. यापैकी काही प्रवाशांचा मृत्यू झाल्याची माहिती मिळत आहे. तर अन्य प्रवाशांची प्रकृती गंभीर आहे. त्यांच्यावर रुग्णालयात उपचार सुरू आहेत.

पाच ते सहा प्रवासी दीवा-मुंब्रा स्थानकादरम्यान पडले, मध्य रेल्वेचे जनसंपर्क अधिकारी स्वप्नील लीला यांनी माहिती दिली आहे.

मीडिया रिपोर्ट्सनुसार, पुष्पक एक्सप्रेसमधून प्रवासी पडल्याची माहिती समोर आली असली तरीसुद्धा यासंदर्भात मध्य रेल्वेचे जनसंपर्क अधिकारी स्वप्नील लीला यांनी अधिकृत माहिती दिलेली नाही.

पाच प्रवासी मुंब्रा स्थानकाजवळ रेल्वेतून खाली पडले. कसाऱ्याला जाणाऱ्या रेल्वेच्या गार्डनं याबाबतची माहिती दिली.

नेमक्या कोणत्या गाडीतून प्रवासी खाली पडले, याबाबत अद्याप माहिती नाही. मृत प्रवाशांची ओळख पटवण्याचं काम सुरू आहे.

हे प्रवासी 30-35 वयोगटातील असल्याचंही समजतंय. नेमकं काय घडलं होतं, याबाबती माहिती समोर आली नाही.

ट्रेनमधून प्रवासी पडल्याच्या अपघाताचे काही व्हिडीओ समोर आले आहेत. या व्हिडीओमध्ये पुष्पक ट्रेनमधून खाली पडलेले प्रवासी दिसत आहेत.

या प्रवाशांना ट्रॅकवरुन उचलून प्लॅटफॉर्मवर आणण्यात आले. या प्रवाशांना गंभीर दुखापत झाली असून त्यांचे कपडे फाटलेले दिसत आहेत.

अनेकांना गंभीर दुखापत झाली असून यापैकी काही प्रवाशांना मृत्यू झाल्याची शक्यता वर्तविली जात आहे.