Jai Jawan Dahi Handi 2025 : इलाका तुम्हारा धमाका हमारा! सकाळी सरनाईकांनी खिजवलं अन् संध्याकाळी जय जवाननं त्याच जागेवर 10 थर लावले

मुंबईतील मानाच्या गोविंदा पथकांपैकी एक असणाऱ्या जय जवान गोविंदा पथकाने दिवसभरात दुसऱ्यांदा दहा थर लावून इतिहास रचला आहे.

Jai Jawan Dahi Handi 2025

मुंबईतील मानाच्या गोविंदा पथकांपैकी एक असणाऱ्या जय जवान गोविंदा पथकाने दिवसभरात दुसऱ्यांदा दहा थर लावून इतिहास रचला आहे.

सकाळी घाटकोपर येथे मनसे गणेश चुक्कल, अरविंद गिते मित्र परिवार आयोजित दहीहंडीमध्ये जय जवान गोविंदा पथकाने तब्बल 10 थरांची दहीहंडी रचून सर्वांना थक्क केलं.

यावेळी प्रताप सरनाईक यांनी मंचावरून जय जवानला उद्देशून टोला लगावत म्हटले की "विश्वविक्रम ही कोणा एकाची मक्तेदारी नसते. कोकण नगरने सिद्ध करून दाखवलं की विक्रम मोडले जाऊ शकतात."

या घटनेला राजकीय रंग मिळाल्याने संपूर्ण ठाण्यात याची जोरदार चर्चा रंगली आहे. काही दिवसांपूर्वी ठाकरे बंधू एकत्र आले तेव्हा जय जवान पथकाने दहीहंडी रचून त्यांना सलामी दिली होती.

याच पार्श्वभूमीवर शिंदे गटाचे नेते प्रताप सरनाईक यांनी आयोजित केलेल्या प्रो-गोविंदा स्पर्धेतून जय जवानला वगळण्यात आले.

आयोजकांनी राजकारण करून आम्हाला बाहेर काढल्याचा आरोप जय जवान पथकाने केला होता.

मात्र, याच दिवशी सायंकाळी ठाण्यातील संस्कृती प्रतिष्ठानच्या दहीहंडीत प्रताप सरनाईक व पूर्वेश सरनाईक यांच्या उपस्थितीत जय जवान पथकाने पुन्हा दहा थर लावून धडाकेबाज प्रत्युत्तर दिले.

यामुळे सकाळपासून सुरू असलेला विश्वविक्रमाचा आणि पथकांतील वादाचा मुद्दा दिवसभरात दुसऱ्यांदा गाजला.

सकाळी घाटकोपर येथे मनसे गणेश चुक्कल, अरविंद गिते मित्र परिवार आयोजित दहीहंडीमध्ये जय जवान गोविंदा पथकाने तब्बल 10 थरांची दहीहंडी रचून सर्वांना थक्क केलं.