Mumbai Building Collapsed : मुंबईतील दुमजली इमारत कोसळून दुर्घटना, ढिगाऱ्याखाली 2 जण अडकल्याची भीती

Mumbai Vidyavihar Building Collapsed : मुंबईतील घाटकोपर येथील दुमजली इमारतीचा भाग कोसळून दुर्घटना घडली आहे. इमारतीच्या ढिगाऱ्याखाली दोन जण अडकल्याची भीती व्यक्त करण्यात येत आहे.

Mumbai Building Collapsed

विद्याविहारमधील राजावाडी कॉलनी येथील इमारतीचा भाग कोसळला. दुर्घटनास्थळी अग्निशमन दल आणि एनडीआरएफ दाखल झाले आहेत.

युद्धपातळीवर बचावकार्य सुरु आहे. ढिगाऱ्याखाली दोन जण अडकल्याची भीती असून त्यांचा शोध सुरु आहे.

मुंबईच्या विद्याविहार येथील जुन्या दुमजली इमारतीचा काही भाग कोसळल्याची माहिती समोर आली आहे. रविवारी सकाळच्या सुमारास ही दुर्घटना घडली आहे.

ही इमारत 40 वर्ष जुनी असल्याचं सांगितलं जात आहे. दरम्यान, मुंबईमध्ये शनिवारपासून ठिकठिकाणी पावसानं हजेरी लावली आहे.

अनेक भागात पावसामुळे पाणी साचले आहे. पावसामुळे इमारतीचा भाग खचल्याचं बोललं जात आहे. दरम्यान, याबाबत अद्याप अधिकृत माहिती समोर आलेली नाही.

मुंबईतील पहिल्याच पावसात या दुर्घटनेमुळो धोकादायक इमारतींचा प्रश्न पुन्हा एकदा ऐरणीवर आला आहे.

दुर्घटनेत अद्याप कोणतीही जीवितहानी झाल्याची माहिती समोर आलेली नाही.

वसईमध्येही इमारतीचा काही भाग कोसळला आहे. वसईमधील एका जुन्या इमारतीचा सज्जा कोसळला आहे. या घटनेत कोणतीही जीवितहानी झालेली नाही.

अद्याप पावसाळा म्हणावा तसा सुरू ही झाला नाही तरी जून महिन्यातील पहिल्याच जोरदार पावसात एका इमारतीचा सज्जा कोसळल्याने जुन्या इमारतीचा प्रश्न ऐरणीवर आला आहे.