Ram Mandir : गिरगावात रामलला प्राणप्रतिष्ठा सोहळ्याचा उत्साह, श्रीरामराया प्रभात फेरीचं आयोजन

Ayodhya Ram Mandir Inauguration : अयोध्येतील प्राणप्रतिष्ठा सोहळ्यानिमित्ताने मुंबईत आज ठिकठिकाणी उत्साह दिसून आला. गिरगावातही श्रीरामराया प्रभात फेरीचं आयोजन करण्यात आलं.

Ayodhya Ram Mandir Inauguration Girgaon Programme

अयोध्येच्या राम मंदिरातील प्राणप्रतिष्ठा सोहळा अवघ्या काही तासांवर येऊन पोहोचला आहे.

यावेळी विवेक छत्रे, यशवंत पेंडसे, कमलाकर शेटे, धनेश कानेटकर आदी कारसेवकांच्या हस्ते श्रीरामाची आरती करण्यात आली.

अयोध्येतील प्राणप्रतिष्ठा सोहळ्यानिमित्ताने आज सकाळी गिरगावात चित्तपावन ब्राह्मण संघातर्फे श्रीरामराया प्रभात फेरीचं आयोजन करण्यात आलं.

या फेरीसाठी रामभक्त पारंपरिक पोशाखात उपस्थित होते.

गिरगावच्या फडके गणपती मंदिरापासून सुरु झालेल्या या फेरीचा समारोप चित्तपावन ब्राह्मण संघाच्या सभागृहात झाला.

फेरीच्या मार्गात हनुमान तांडव स्तोत्र, तसंच मारुती स्तोरत्र पठण करण्यात आलं.

शंखनाद, रामानामाचा गजर समारोपावेळी रामरक्षा पठण, हनुमान चालिसा पठण, राम तांडव स्तोत्र रामाची आरतीही करण्यात आली.

तसंच प्रसाद वाटपही करण्यात आलं. या प्रभात फेरीमध्ये बालगोपाळांनी श्रीराम, सीता आणि लक्ष्मण तसंच हनुमानाच्या वेशात उपस्थिती लावली.

सोमवारीही गिरगावात विविध कार्यक्रमांचे आयोजन करण्यात आलं आहे.