PHOTO : बदलापुरात शतक महोत्सवी शिवजयंती निमित्त नितीन देसाई उभारणार भव्य सेट

Badlapur Shiv Jayanti Set

मुंबईजवळच्या बदलापूर शहरात छत्रपती शिवाजी महाराज यांची शतक महोत्सवी जयंती भव्य अशी होणार आहे.

विशेष म्हणजे या जयंती महोत्सवात सुप्रसिद्ध कलावंत दिग्दर्शक नितीन चंद्रकांत देसाई यांचा भव्य सेट बदलापूर गावात उभा राहत आहे.

खुद्द नितीन देसाई यांनी आज (25 एप्रिल) या सेटची पाहणी केली.

बदलापुरात 2 मे पासून 6 मे पर्यंत सलग पाच दिवस हा महोत्सव चालणार आहे.

या जयंती महोत्सवात विविध सांस्कृतिक, क्रीडा, आणि राजकीय कार्यक्रमांची मेजवानी चाखायला मिळणार आहे.

या महोत्सवात राष्ट्रवादी काँग्रेसचे अध्यक्ष शरद पवार उपस्थिती लावणार आहेत. शिवाय राज्यस्तरीय कुस्तीचे सामने, जाणता राजा महानाट्य, छत्रपती शिवाजी महाराज यांच्यावर व्याख्यान, शाहीर नंदेश उमप याचे कार्यक्रम असणार आहे.

या कार्यक्रमाला राज्याच्या विविध भागातून लोक येणार असल्याचे बोललं जात आहे. विशेष म्हणजे डॉ. बाबासाहेब आंबेडकर यांनी 3 मे 1927 रोजी बदलापुरात साजऱ्या झालेल्या शिवजयंतीचे अध्यक्षपद भूषवले होते, त्यासाठी आंबेडकर बदलापुरात आले होते.