धक्कादायक! अक्कलकोटमध्ये कोणत्याही सुरक्षेविना दहावीचा गणिताच्या उत्तरपत्रिका चक्क रिक्षातून आणल्या, प्रशासनाचा ढिसाळपणा, पहा Photos

अक्कलकोटमध्ये दहावी बोर्डाच्या विद्यार्थ्यांच्या गणिताच्या पेपर लिहून तब्बल ८ तासांनी स्ट्राँगरुममध्ये कोणत्याही सुरक्षेविना रिक्षातून आणण्यात आला. त्यामुळे मोठी खळबळ उडाली आहे.

10th board

गेल्या काही दिवसांपूर्वी बारावी बोर्डाच्या उत्तर पत्रिका बसमध्ये तपासत असल्याची घटना समोर आल्यानंतर मोठी खळबळ उडाली होती.

ही घटना ताजी असतानाच सोलापूरच्या अक्कलकोटमध्ये दहावी बोर्डाच्या गणिताच्या उत्तरपत्रिका चक्क रिक्षातून आणल्या गेल्याचा गंभीर आरोप करण्यात आलाय.

दुपारी एक वाजता पेपर संपल्यानंतर रात्री पावणे नऊ वाजता उत्तर पत्रिका स्ट्रॉंगरूममध्ये जमा होतातच कशा? असा सवाल आरपीआय पक्षाच्या पदाधिकाऱ्यांनी केलाय.

त्यामुळे पुन्हा एकदा दहावी-बारावी बोर्डाच्या बाबतीत प्रशासन इतके ढिसाळ कसे राहू शकते असा प्रश्न उपस्थित होतोय.

विद्यार्थ्यांनी लिहिलेला दहावीचा गणिताचा पेपर कोणतीही सुरक्षा न घेता रिक्षाने आणल्याचा आरपीआय संघटनेचा आरोप आहे.

या उत्तर पत्रिका इतक्या उशिरा स्ट्रॉंगरूममध्ये जमा करण्याचे कारण कोणाला फायदा पोहोचवणे आहे का? आरपीआय पक्षाच्या पदाधिकाऱ्यांनी आरोप केला.

काही विद्यार्थ्यांच्या उत्तर पत्रिका पुन्हा एकदा लिहल्या गेल्यात का? असा संशय व्यक्त केला जातोय.

प्रकरणाची सखोल चौकशी करण्याची जिल्हा परिषदेचे मुख्य अधिकारी कुलदीप जंगम यांच्याकडे निवेदनाद्वारे मागणी

दरम्यान या प्रकारणी गटशिक्षणाधिकारी यांना कारणे दाखवा नोटीस बजावली असून या प्रकरणाची सविस्तर चौकशी केली जाईल

सोलापूर जिल्हा परिषदेचे मुख्य कार्यकारी अधिकारी कुलदीप जंगम यांची एबीपी माझाला फोनवरून माहिती दिली.