PHOTO | रायगड जिल्ह्यातील रोहा येथे आढळला दुर्मिळ उडता सोन सर्प

उडता सोन सर्प

रायगड जिल्ह्यातील रोहा येथे दुर्मिळ असलेल्या उडता सोन सर्प आढळून आला आहे. रायगड जिल्ह्यात प्रथमच आढळून आलेल्या या सापामुळे सर्पमित्रांमध्ये कुतूहल निर्माण झाले आहे.

रोहा तालुक्यातील डोंगरी येथे राहणाऱ्या अमोल देशमुख यांच्या घराजवळ असलेल्या शेडमध्ये साप दिसून आल्याने त्यांनी सर्पमित्रांना पाचारण केले होते. यावेळेस, रोहा येथील सर्पमित्रांना परिसरात आढळणाऱ्या प्रजातीं व्यतिरिक्त नवीन प्रजातीचा साप असल्याचे दिसून आले. यामुळे त्यांनी या सापाची सुटका करून सहकारी मित्रांकडून अधिक माहिती घेतली असता तो उडता सोन सर्प असल्याचे निदर्शनास आले.