PM Modi Cabinet : मोदींच्या कॅबिनेटमध्ये महाराष्ट्रातील कोण कोण ? पाहा संपूर्ण यादी

पंतप्रधान नरेंद्र मोदी यांनी तिसऱ्यांदा पंतप्रधान पदाची शपथ घेतली. यावेळी महाराष्ट्रातील एकूण सहा जणांनी मंत्रीपदाची शपथ घेतली.

PM Modi Cabinet

नागपूर लोकसभा मतदारसंघातून निवडून आलेले आणि माजी केंद्रीय रस्ते वाहतूक मंत्री नितीन गडकरी यांनी पुन्हा एकदा मंत्रिपदाची शपथ घेतली आहे.

माजी केंद्रीय मंत्री आणि मुंबई उत्तरचे उमेदवार पियुष गोयल यांनी देखील पुन्हा एकदा केंद्रीय मंत्रीपदाची यांनी शपथ घेतली.

शिंदे गटाचे बुलढाणा लोकसभा मतदारसंघाचे उमेदवार प्रतापराव जाधव यांनी पंतप्रधान मोदींच्या मंत्रिमंडळात राज्य मंत्रीपदाची शपथ घेतली आहे.

रिपब्लिकन पार्टी ऑफ इंडिया आठवले गटातील रामदास आठवले यांनी राज्य मंत्रीपदाची शपथ घेतली आहे.

रावेर लोकसभा मतदारसंघातून निवडून आलेल्या भाजपच्या उमेदवार रक्षा खडसे यांनी केंद्रीय राज्य मंत्रीपदाची शपथ घेतली.

पुणे लोकसभा मतदारसंघातून निवडून आलेले भाजपचे उमेदवार मुरलीधर मोहोळ यांनी केंद्रीय राज्य मंत्रीपदाची शपथ घेतली.