Ambabai : अलोट गर्दीत पार पडला अंबाबाईचा रथोत्सव; नव्या रथातून पहिलाच रथोत्सव

Ambabai Mandir : देवीची आरती झाल्यानंतर तोफेची सलामी देऊन रथोत्सव सोहळ्याला प्रारंभ झाला. महाद्वार, गुजरी आणि भवानी मंडपादरम्यान देवीचे दर्शन घेण्यासाठी एकच गर्दी झाली होती.

Ambabai Mandir

करवीर निवासिनी श्री अंबाबाईचा रथोत्सव अलोट गर्दीत पार पडला.

देवस्थान समितीने साकारलेल्या नवीन सागवानी रथातून हा सोहळा सजला.

रथावरील चांदीचे नक्षीकाम अद्यापही पूर्ण झालेलं नाही.

मात्र, विद्युत रोषणाईने रथ आकर्षक दिसत होता.

देवीची आरती झाल्यानंतर तोफेची सलामी देऊन रथोत्सव सोहळ्याला प्रारंभ झाला.

पालकमंत्री दीपक केसरकर, जिल्हाधिकारी राहुल रेखावार, देवस्थान समितीचे सचिव सुशांत बनसोडे, व्यवस्थापक महादेव दिंडे आदींच्या उपस्थितीत रथोत्सवाला सुरुवात झाली.

महाद्वार, गुजरी आणि भवानी मंडपादरम्यान देवीचे दर्शन घेण्यासाठी एकच गर्दी झाली होती.

फुलांच्या वर्षावात भाविकांनी देवीचे स्वागत केले.

बिनखांबी गणेश मंदिरमार्गे रथ पुन्हा मंदिरात आल्यानंतर या सोहळ्याची सांगता झाली.

रथोत्सव मार्गावर आकर्षक रांगोळ्या व फुलांचा सडा सजवण्यात आला होता.