Chandrakant Khaire vs Ambadas Danve : भाजपला सोपं जावं म्हणून दानवेंनी... खैरेंचे स्फोटक आरोप

Chandrakant Khaire :  महानगरपालिकेच्या निवडणुकीच्या (Mahanagar Palika Election) पार्श्वभूमीवर राजकीय वातावरण चांगलच गरम झाल्याचं चित्र पाहायला मिळत आहे. अर्ज दाखल करण्याची मुदत काल संपली आहे. कुठं युत्या तर कुठं आघाड्या झाल्या आहेत. तर कही पक्ष स्वबळावर निवडणूक लढवत आहेत. दरम्यान, छत्रपती संभाजीनगरमध्ये तिकीट वाटपाच्या मुद्यावरुन शिवसेना ठाकरे गटात चांगलच वातावरण तापल्याचं चित्र पाहायला मिळत आहे. शिवसेना ठाकरे गटाचे ज्येष्ठ नेते आणि माजी खासदार चंद्रकांत खैरे (Chandrakant Khaire)  यांनी अंबादास दानवे (Ambadas Danve) यांच्यावर जोरदार टीका केली आहे. भाजपला सोपं जावं म्हणून अंबादास दानवेंनी निवडून येणाऱ्या महिलांचे तिकीट कापल्याची टीका खैरे यांनी केली आहे. 

भाजप नंतर उद्धव ठाकरे यांच्या शिवसेनेतही महिलांनी नाराजी व्यक्त केली

भाजप नंतर उद्धव ठाकरे यांच्या शिवसेनेतही महिलांनी नाराजी व्यक्त केली आहे. काही महिलांना तिकीट न मिळाल्याने रडू कोसळल्याचं पाहायला मिळालं. त्यांनी चंद्रकांत खैरे यांनाच जाब विचारला आहे. छत्रपती संभाजीनगरमध्ये महानगरपालिका निवडणूक लढवण्यासाठी काही महिला इच्छुक होत्या. मात्र, त्यांना तिकीट मिळालं निसल्याने या महिलांनी चंद्रकांत खैरे यांना जाब विचारला. यावेली महिला रडत असल्याचंही पाहायला मिळालं.