Weather : उत्तर भारतात पावसाचा कहर

देशातील विविध राज्यात जोरदार पावसानं (Rain) हजेरी लावली आहे. विशेषत: उत्तर भारतात सध्या मुसळधार पाऊस सुरु आहे. तसेच दक्षिण भारतातील कर्नाटक, केरळ या राज्यातही जोरदार पाऊस सुरु आहे.

Weather updates news

देशातील विविध राज्यात जोरदार पावसानं (Rain) हजेरी लावली आहे. विशेषत: उत्तर भारतात सध्या मुसळधार पाऊस सुरु आहे.

या पावसामुळं काही भागात जनजीवन विस्कळीत झालं आहे.

हिमाचल प्रदेशातील उना जिल्ह्यातील हरोली येथे एवढा पाऊस पडला की पाण्याच्या जोरदार प्रवाहाने एक स्कॉर्पिओ कार वाहून गेल्याची घटना घडली.

हवामान विभागानं (IMD) दिलेल्या माहितीनुसार पुढील तीन ते चार दिवस देशातील अनेक राज्यांमध्ये मुसळधार पावासाचा इशारा देण्यात आला आहे.

हवामान विभागानं दिलेल्या माहितीनुसार, कोकण, गोवा आणि महाराष्ट्रात आज जोरदार पावसाची शक्यता वर्तवली आहे.

गुजरातमध्ये 7 जुलैला पाऊस पडण्याची शक्यता आहे. याशिवाय इतर ठिकाणी मुसळधार ते अतिवृष्टीची शक्यता आहे. ज्यामध्ये आसाम, मेघालय, आंध्र प्रदेश, तेलंगणा आणि कर्नाटकात मुसळधार पावसाचा अंदाज हवामान विभागानं वर्तवला आहे.

सध्या उत्तराखडंमध्ये मुसळधार पाऊस पडत आहे. या पावसामुळं मसुरीमध्ये जनजीवन विस्कळीत झालं आहे.

हिमाचल प्रदेशात यंदा मान्सूनने कहर केला आहे. आतापर्यंत झालेल्या पावसामुळे कोट्यवधी रुपयांचे नुकसान झाले आहे.

उत्तर प्रदेशातील अनेक जिल्ह्यांमध्ये गेल्या काही दिवसांपासून सतत पाऊस पडत आहे.