पावसाने बळीराजा उध्वस्त, 2 एक्कर मक्याचं पीक पाण्यात; मन हेलावणारे फोटो!

मुलाबाळाप्रमाणे जपलेल पीक डोळ्यादेखत आडवं झालं, बळीराजाचा दुष्काळात तेरावा महिना...

Crops damage due to heavy rainfall

मराठवाडा आणि पश्चिम महाराष्ट्रातील काही भागात गेल्या काही दिवसांमध्ये प्रचंड पाऊस पडला आहे. या अतिवृष्टीने शेती आणि घरादारांची राखरांगोळी केली आहे.

गेल्या चार-पाच दिवसांपासून मराठवाड्यातली पीकं पाण्याखाली आहेत, आता ही पीकं शेतकऱ्याच्या हातातून गेली असून बळीराजा मोठ्या संकटात सापडला आहे.

शेतातलं जसं जसं पाणी ओसरत चाललंय तशी तशी नुकसानाची दाहकता समोर येऊ लागली आहे.

छत्रपती संभाजीनगर जिल्ह्यात मका हे महत्त्वाचे पीक. त्याच मक्याला आता कोंब फुटल्याने शंभर टक्के नुकसान होणार आहे.

मुलाबाळाप्रमाणे जपलेल पीक डोळ्यादेखत आडवं झालं .

पाण्यात मका उभा करणारे हे वैजापूरचे शेतकरी महेश सोमवंशी. महेशला 2 एक्कर शेती आहे.

2 एक्कर मध्ये त्यांनी मका लावला होता. शेत नांगरणी ते पेरणी , फवारणी, खुरपणी पर्यंत 50 हजारांचा खर्च झाला.

आता यातून खराब झालेल्या पिकांतून 1 रुपयाही मिळणार नाही. त्यामुळे रबीची पेरणी कशी करायची हा प्रश्न बळीराजापुढे उभा आहे.

सरकार लवकरच यात दखल देणार, आणि बळीराजाच्या झालेल्या नुकसानाची भरपाई मिळेल, एवढीच अपेक्षा लागून आहे.