बीड जिल्ह्यात भरधाव कंटेनरने एकास चिरडले, 8 ते 10 गाड्यांना धडक; संतप्त जमावाने कंटेनर जाळला

बीड जिल्ह्यातील केजमध्ये भीषण अपघाताची घटना घडली असून एका भल्यामोठ्या कंटनरने 8 ते 10 गाड्यांना धडक दिली. या घटनेनंतर स्थानिकांनी तीव्र संताप व्यक्त करत कंटनेरच पेटवला आहे.

Beed container accident death

बीड जिल्ह्यातील केजमध्ये भीषण अपघाताची घटना घडली असून एका भल्यामोठ्या कंटनरने 8 ते 10 गाड्यांना धडक दिली. या घटनेनंतर स्थानिकांनी तीव्र संताप व्यक्त करत कंटनेरच पेटवला आहे.

केजमध्ये कंटेनरने दिलेल्या धडकेत एकास चिरडले असून 15 ते 20 जण जखमी झाल्याची माहिती स्थानिकांनी दिली.

केजहून अंबाजोगाईकडे येत असताना कंटेनरने लोखंडी सावरगावजवळ इतर गाड्यांना धडक दिल्याने अपघात घडला, त्यात 8 ते 10 गाड्यांना धडक देण्यात आली.

कंटेनरचा चालक मद्यधुंद अवस्थेत असल्याची माहिती स्थानिकांनी दिली. या अपघातत एकाचा मृत्यू झाला असून 15 ते 20 जण जखमी असल्याची माहिती आहे.

अपघातातील जखमींवर केज व अंबाजोगाई येथील रुग्णालयात उपचार सुरू आहेत. गाड्यांना धडक दिल्यानंतर पुढे अंबाजोगाईजवळील लोखंडी सावरगाव जवळ हा कंटेनर पलटी झाला आहे.

अपघाताच्या घटनेनं जमाव संतप्त झाला होता. त्यामुळे, कंटेनर पलटी झाल्यानंतर लोखंडी सावरगावजवळ संतप्त जमावाने कंटेनर पेटवला

दरम्यान, कंटेनर चालकाच्या विरोधात गुन्हा दाखल करण्याची प्रक्रिया सुरू आहे.