Monsoon Care : तुम्हालाही पावसाळ्यात त्वचेच्या अनेक समस्या असतील, तर डॉक्टरांनी सांगितलेले उपाय एकदा जाणून घ्या

Monsoon Care : डॉक्टरांनी सांगितलेल्या माहितीनुसार, काही उपाय तुम्हाला मान्सूनमध्ये त्वचेची योग्य काळजी घेण्यास मदत करतील:

Monsoon Care lifestyle marathi news

पाऊस म्हटला तर वातावरणात गारवा.. शरीर आणि मन दोन्हीही प्रसन्न होते. एक प्रकारे आल्हाददायक वातावरण निर्माण होते. पण तुम्हाला माहित आहे का? याच मान्सूनच्या हंगामात आपल्याला अनेक समस्यांचा सामना करावा लागतो, त्यातील एक महत्त्वाची समस्या म्हणजे त्वचेची काळजी. पावसाळ्यात वातावरणातील आर्द्रता वाढल्यामुळे त्वचेवर परिणाम होतो. याबाबत डॉ. अश्विनी यांनी महत्त्वाची माहिती दिलीय. डॉक्टरांनी सांगितलेल्या माहितीनुसार, काही उपाय तुम्हाला मान्सूनमध्ये त्वचेची योग्य काळजी घेण्यास मदत करतील:

स्वच्छता - मानसूनमध्ये त्वचेला स्वच्छ ठेवणे खूप महत्त्वाचे आहे. दिवसातून दोन वेळा सौम्य फेसवॉशने चेहरा धुवा. यामुळे त्वचेवरील घाण आणि तेल दूर होईल.

मॉइस्चरायझेशन - पावसाळ्यातही त्वचेला मॉइस्चरायझरची गरज असते. हलके वॉटर-बेस्ड मॉइस्चरायझर वापरा ज्यामुळे त्वचा ताजीतवानी राहील.

सनस्क्रीन वापरा - अनेकांना वाटते की पावसाळ्यात सनस्क्रीनची गरज नसते, पण ते चुकीचे आहे. सूर्यकिरण त्वचेला हानी पोहोचवू शकतात, त्यामुळे सनस्क्रीन वापरणे आवश्यक आहे.

अन्न आणि पाणी - संतुलित आहार आणि पुरेसे पाणी प्या. हंगामी फळे आणि भाज्यांचा आहारात समावेश करा. यामुळे त्वचा स्वस्थ राहील.

मास्क आणि स्क्रब - आठवड्यातून एकदा घरगुती मास्क आणि स्क्रब वापरा. हे त्वचेला पोषण देईल आणि मृत त्वचा काढून टाकेल.

ग्लिसरीन आणि गुलाबपाणी - ग्लिसरीन आणि गुलाबपाणी समप्रमाणात मिसळून चेहर्‍यावर लावा. यामुळे त्वचेला ताजेतवाने वाटेल. ओलसर कपडे आणि पायातील बूट त्वचेला संसर्ग देऊ शकतात. त्यामुळे अशा वस्त्रांपासून दूर रहा. मानसूनमध्ये त्वचेची योग्य काळजी घेतल्यास आपण पावसाच्या आनंदाचा मनमुराद आस्वाद घेऊ शकतो.