शिवरायांसमोर रितेश-जेनेलिया जोडीने नतमस्तक; ढोल ताशांच्या गजरानं परिसर दणाणला, 'राजा शिवाजी'च्या प्रदर्शनापूर्वी भिवंडीत सळसळता उत्साह

भक्ती, इतिहास, परंपरा आणि चाहत्यांचे प्रेम यांचा सुंदर संगम घडवणारी ही भेट ‘राजा शिवाजी’ चित्रपटासाठी एक सकारात्मक आणि संस्मरणीय क्षण ठरली.

Raja Shivaji Riteish Genelia

‘राजा शिवाजी’ या बहुचर्चित आणि ऐतिहासिक पार्श्वभूमी असलेल्या चित्रपटाच्या प्रदर्शनापूर्वी अभिनेता, दिग्दर्शक आणि निर्माते रितेश विलासराव देशमुख तसेच अभिनेत्री जिनिलिया देशमुख यांनी भिवंडी येथील छत्रपती शिवाजी महाराज मंदिर (शक्तीपीठ) येथे दर्शन घेत विशेष प्रार्थना केली.

महाराष्ट्राच्या इतिहासाशी आणि शिवचरित्राशी घट्ट नाते सांगणाऱ्या या चित्रपटाच्या यशासाठी या स्टार जोडप्याने मंदिरात पारंपरिक पद्धतीने आरती करून छत्रपती शिवाजी महाराजांचे आशीर्वाद घेतले.

ठाणे जिल्ह्यातील भिवंडी तालुक्यातील मराडेपाडा येथे स्थित असलेल्या छत्रपती शिवाजी महाराज मंदिर (शक्तीपीठ) या पवित्र स्थळी त्यांच्या आगमनाने भक्तिमय आणि उत्साहपूर्ण वातावरण निर्माण झाले.

‘राजा शिवाजी’ हा केवळ एक चित्रपट नसून महाराष्ट्राच्या इतिहासाचा, स्वराज्याच्या विचारांचा आणि छत्रपती शिवाजी महाराजांच्या प्रेरणादायी व्यक्तिमत्त्वाचा भव्य सिनेमॅटिक प्रवास आहे.

हा बहुप्रतिक्षित चित्रपट १ मे रोजी प्रेक्षकांच्या भेटीला येणार असून, महाराष्ट्र दिनाच्या पार्श्वभूमीवर त्याचे प्रदर्शन अधिक विशेष मानले जात आहे.

या विशेष भेटीची माहिती समजताच परिसरातील मोठ्या संख्येने गावकरी, महिला, युवक आणि चाहत्यांनी मंदिर परिसरात गर्दी केली होती. महाराष्ट्राच्या लाडक्या स्टार जोडप्याची एक झलक पाहण्यासाठी लोकांमध्ये प्रचंड उत्सुकता दिसून आली

ढोल-ताशांच्या गजराने मंदिर परिसरात ऊर्जा आणि उत्साहाची लाट पसरली. पारंपरिक वाद्यांच्या तालावर वातावरण भारावून गेले आणि उपस्थित प्रत्येकासाठी हा क्षण संस्मरणीय ठरला.

‘राजा शिवाजी’ हा केवळ एक चित्रपट नसून महाराष्ट्राच्या इतिहासाचा, स्वराज्याच्या विचारांचा आणि छत्रपती शिवाजी महाराजांच्या प्रेरणादायी व्यक्तिमत्त्वाचा भव्य सिनेमॅटिक प्रवास आहे.