Jammu Kashmir Pahalgam Terror Attack: पहलगाममधील मिनी स्वित्झर्लंड बंदुकीच्या गोळीनं रक्ताळलं; त्याच ठिकाणी अनेकदा बॉलिवूड विसावलं

Jammu Kashmir Pahalgam Terror Attack:जम्मू काश्मीरमधील पहलगाम इथे पर्यटकांवर झालेल्या दहशतवादी हल्ल्यात 26 जणांचा मृत्यू झालाय. हल्ल्यात महाराष्ट्रातील एकूण 6 पर्यटकांचा मृत्यू झालाय.

Jammu Kashmir Pahalgam Terror Attack

यात डोंबिवलीच्या तिघांचा समावेश आहे. तर पुण्यातील दोन आणि पनवेलच्या एका पर्यटकाचा मृत्यू झालाय. डोंबिवलीचे अतुल मोने, संजय लेले आणि हेमंत जोशी यांचा या दहशतवादी हल्ल्यात मृत्यू झालाय.

पुण्यातील संतोष जगदाळे आणि कौस्तुभ गणबोटे यांचा उपचारादरम्यान मृत्यू झालाय. तर पनवेलमधील दिलीप देसले यांचाही हल्ल्यात मृत्यू झालाय. तर महाराष्ट्रातले एस बालचंद्रू, सुबोध पाटील, शोबीत पटेल हल्ल्यात जखमी झालेत.

पण, ज्या निसर्ग सौंदर्यानं नटलेल्या पहलगामवर दहशतवाद्यांनी निशाणा साधला, ते पहलगाम मिनी स्विट्झरलँड म्हणून ओळखलं जातं. इथे अनेक सिनेमांचं चित्रिकरणही करण्यात आलंय.

बेताब (Betab): सनी देओल आणि अमृता सिंह स्टारर सिनेमातही पहलगामचं सौंदर्य दाखवण्यात आलंय.

बॉबी (Boby): ऋषी कपूर आणि डिंम्पल कपाडिया स्टारर बॉबी सिनेमातही पहलगाम दिसलंय.

हायवे (Highway): आलिया भट्ट आणि रणदीप हुड्डा स्टारर हायवे चित्रपटाचा क्लायमॅक्स पहलगाममध्ये शूट करण्यात आला आहे.

ये जवानी है दिवानी (Yeh Jawaani Hai Deewani): रणबीर कपूर, दीपिका पादुकोण स्टारर 'ये जवानी है दीवानी' सिनेमातील काही सीन्समध्ये कश्मीरला मनाली म्हणून दाखवण्यात आलं आहे.

जब तक है जान (Jab Tak Hai Jaan): शाहरुख खान, कतरिना कैफ स्टारर 'जब तक है जान' सिनेमाचं शुटींगसुद्धा पहलगाममध्ये झालं आहे.

लैला-मजनू (Laila Majnu) : काही दिवसांपूर्वी आलेल्या 'लैला-मजनू' सिनेमातील काही सीन्स पहलगाममध्येच चित्रित करण्यात आले होते. सिनेमातील सीन्समधून पहलगामचं सौंदर्य पाहायला मिळतंय.

हैदर (Haider) : शाहीद कपूर स्टारर फिल्म 'हैदर'ची शुटिंग पहलगाममध्ये करण्यात आली होती.

राझी (Raazi): 'राझी' फिल्ममध्ये जेव्हा आलिया लग्नानंतर पाकिस्तानला जाते, तेव्हाचा सीन पहलगामच्या काही डोंगराळ भागात चित्रित करण्यात आलाय.

रॉकस्टार (Rockstar): रणबीर कपूर आणि नरगिस स्टारर 'रॉकस्टार'च्या काही सीन्सची शुटिंग कश्मीर आणि पहलगाममध्ये करण्यात आलेली.

बजरंगी भाईजान (Bajrangi Bhaijaan): सलमान खानची सुपरहिट मूव्ही 'बजरंगी भाईजान'ची शुटिंग पहलगाममध्ये करण्यात आली होती.