Pakistan Singer in India: पाकिस्तान सोडलं अन् भारतात राहायला आला हा गायक; आशा भोसलेंच्या आग्रहामुळे बॉलिवूडमध्ये एन्ट्री, 15 ऑगस्टलाच साजरा करतो वाढदिवस
हे पाकिस्तानी वंशाचे गायक आहेत. त्यांनी पाकिस्तानी सिनेमासाठीही गाणी गायली, मात्र तिथे त्यांना विशेष ओळख मिळाली नाही.
Entertainment News: 25 वर्षांपूर्वी बॉलिवूडला एका प्रतिभावान गायकाचा आवाज मिळाला नसता, जर आशा भोसले यांनी त्यांना भारतात येऊन गाण्यासाठी तयार केले नसते. पण नंतर असं काही घडलं की त्याने याच देशाला आपलं कायमचं घर बनवलं. होय, पाकिस्तानी वंशाच्या या गायकाने भारतीय सिनेमात आपल्या आवाजाच्या जोरावर ओळख निर्माण केली आणि कायमचे याच देशाचे झाले. विशेष म्हणजे त्यांचा वाढदिवसही 15 ऑगस्ट म्हणजेच भारताच्या स्वातंत्र्यदिनी असतो.
कोण आहेत हे गायक?
ज्या गायकाबद्दल आपण बोलत आहोत, ते आहेत अदनान सामी. 15 ऑगस्ट 1971 रोजी यूकेमध्ये जन्मलेले अदनान सामी हे पाकिस्तानी वंशाचे गायक आहेत. त्यांनी पाकिस्तानी सिनेमासाठीही गाणी गायली, मात्र तिथे त्यांना विशेष ओळख मिळाली नाही. त्यानंतर ते भारतात आले. तेही आशा भोसले यांच्या सांगण्यावरून.
केवळ एका गाण्यासाठी भारतात आलेले अदनान..
खरं तर, लंडनमध्ये अदनान सामी आशा भोसले यांच्यासोबत एका गाण्याचे रेकॉर्डिंग करत होते. अदनान यांचा आवाज आशा भोसले यांना इतका आवडला की त्यांनी त्यांना भारतात येऊन एक गाणे रेकॉर्ड करण्यासाठी तयार केले. अदनान मुळात फक्त एका गाण्यासाठी भारतात आले होते, मात्र नंतर ते याच देशात कायमचे स्थायिक झाले. ‘स्क्रीन’ला दिलेल्या नुकत्याच झालेल्या मुलाखतीत अदनान यांनी सांगितले.
“मी खरंच असाच विचार करून आलो होतो की, त्यांच्यासाठी एक अल्बम कंपोज आणि प्रोड्यूस करेन आणि परत निघून जाईन. त्यामुळे मी फक्त एका महिन्याचे कपडे घेऊन आलो होतो, पण नंतर याच ठिकाणी कायमचा स्थायिक झालो.”
15 ऑगस्टला साजरा करतात वाढदिवस
अदनान सामी यांना भारतात स्थायिक होणे हा देवाचा एक संकेत असल्याचे वाटते, ते म्हणाले, “माझा खरंच विश्वास आहे की देवाने जाणूनबुजून माझा वाढदिवस 15 ऑगस्टला ठेवला, जणू मला एक संकेत देत होते की, ‘ऐका, तुम्ही तिथलेच आहात.’ त्यांना हवे असते तर माझा जन्म 14 ऑगस्टला, म्हणजेच पाकिस्तानच्या स्वातंत्र्यदिनीही होऊ शकला असता.” बॉलिवूडमध्ये ओळख निर्माण केल्यानंतर अदनान सामी यांनी 2016 मध्ये भारतीय नागरिकत्व मिळवले. एकदा त्यांनी पाकिस्तानला आपला ‘एक्स लव्हर’ असेही म्हटले होते.
महत्त्वाच्या बातम्या
