मराठमोळ्या अभिनेत्याची कान्सच्या रेड कार्पेटवर एन्ट्री; बॉलिवूडच्या दिग्गजांपेक्षाही भारी लूकमध्ये झळकला, लेकीला म्हणाला...

पुष्कर जोग हा मराठी मनोरंजनसृष्टीतील प्रसिद्ध अभिनेता असून त्याने अनेक मालिका आणि चित्रपटांमधून प्रेक्षकांची मनं जिंकली आहेत.

Marathi Actor Cannes Look

सध्या कान्स फिल्म फेस्टिवलची जगभरात एकच चर्चा आहे. अनेक बॉलीवुड हॉलीवुड कलाकार या फेस्टिवलला आवर्जून हजेरी लावत असतात.

यावर्षी अनेक बॉलीवूड तारका, कलाकारांनी कान्स फिल्म फेस्टिवलचा रेड कार्पेटवर झळकले. हिंदी आणि हॉलीवुड कलाकारांच्या या इंट्रीजमध्ये एका मराठी कलाकाराने लक्ष वेधून घेतलं.

अभिनेता पुष्कर जोगही कान्स फिल्म फेस्टिवल मध्ये गेला होता. रेड कार्पेट साठी काळ्या रंगाचा सूट ,गॉगल असा डॅशिंग लुक त्याने केलेला.

या संदर्भात त्याने केलेली एक पोस्ट सध्या चाहत्यांच्या पसंतीस उतरत आहे. कान्स फेस्टिवलमध्ये सामील होण्याचा त्याचा अनुभव त्याने चाहत्यांशी शेअर केला आहे.

या पोस्टमध्ये तो म्हणाला ' 79 व्या कान्स फिल्म फेस्टिवलचा रेड कार्पेटवरचा अनुभव खरोखर भारावून टाकणार होता.

'आंतरराष्ट्रीय मीडिया, फ्रेंच पापराजी, हॉलीवुड मधील अभिनेते आणि फिल्म मेकर्स तुमच्या शेजारून चालत असतानाचा हा क्षण अविस्मरणीय ठरला '

कान्स फेस्टिव्हलमध्ये माझ्या देशाचं भारताचं आणि माझ्या महाराष्ट्राचं प्रतिनिधित्व करणं ही खूप खास आणि अभिमानाची भावना होती. जय महाराष्ट्र

मी या क्षणासाठी मनापासून कृतज्ञ आहे. देवाचे आणि आई-बाबांचे आभार. लव यू फेलिशा ... डॅडा फ्रान्स टीव्हीवर कान्स फेस्टिवलमध्ये लाईव्ह दिसला. असं पुष्करने लिहिलं.

पुष्कर जोगच्या या लुकवर त्याच्या चाहत्यांनी कौतुकाचा वर्षाव केलाय.

एखादा मराठी अभिनेता आंतरराष्ट्रीय पातळीवर त्याची उपस्थिती लावतो. त्याची दखल घेतली जाते ही मराठी मनोरंजनसृष्टीत आनंदाचे बाब आहे.