PHOTO : अभिनयाचा 21 वर्षांचा प्रवास मांडण्यासाठी संदीप पाठक यांची वेबसाईट लाँच

Feature_Photo_1

अभिनेता संदीप पाठकने आपल्या चाहत्यांसाठी नुकतीच एक वेबसाईट लाँच केली असून www.sandeeppathak.in वर वेगवेगळ्या देशांतून चाहते मोठ्या प्रमाणात भेट देत आहेत.

मराठीतील हरहुन्नरी कलाकार संदीप पाठकने आपल्या चाहत्यांच्या आणि प्रेक्षकांच्या संपर्कात राहण्यासाठी स्वत:ची वेबसाईट सुरु केली आहे.

संदीप पाठक मराठीतील एक गुणवंत कलाकार म्हणून ओळखला जातो.

संदीप पाठकला मुंबईत येऊन गेल्या महिन्यात 21 वर्षे पूर्ण झाली आहेत.

21 वर्षांपूर्वी मुंबईत एक बॅग घेऊन आलेल्या संदीप पाठककडे केवळ त्याची कला होती, ती सादर करण्यासाठी तो वेगवेगळे मार्ग शोधत होता.

आज 21 वर्षांनंतर आपल्याला अनेक गोष्टी करता आल्या, सिनेमा आणि नाटकाच्या माध्यमातून आपल्याला प्रेक्षकांचं प्रेम मिळाल्याच्या भावना संदीप पाठकने व्यक्त केल्या.

आपल्या आतापर्यंतच्या कामाचा लेखाजोगा मांडण्यासाठी आणि भविष्यातील कामाची माहिती प्रेक्षकांना देण्यासाठी आपण वेबसाईट सुरु केल्याचं संदीप पाठकने म्हटलं आहे.

संदीप पाठकच्या या उपक्रमाचे सर्व स्तरातून कौतुक होताना दिसत आहे.