Happy Birthday Amey Wagh : महाराष्ट्राचा लाडका 'फास्टर फेणे' अमेय वाघचा वाढदिवस; चाहत्यांकडून होतोय शुभेच्छांचा वर्षाव

Amey Wagh : मराठी मनोरंजनसृष्टीतील वाघाचा अर्थात अमेय वाघचा आज वाढदिवस आहे.

Amey Wagh

मराठी मनोरंजनसृष्टीतील वाघाचा अर्थात अमेय वाघचा आज वाढदिवस आहे.

‘दिल दोस्ती दुनियादारी’, ‘फास्टर फेणे’, अमर फोटो स्टुडिओ’ अशा अनेक कलाकृतींच्या माध्यमातून अमेयने आपल्या अभिनयानं चाहत्यांना भुरळ पाडली आहे.

नाटक, मालिका, सिनेमा आणि वेबसीरिज अशा विविध माध्यमांमध्ये झळकलेल्या अमेयने कलाविश्वात त्याचं स्वत:चं स्थान निर्माण केलं आहे.

उत्तम अभिनय शैली आणि योग्य कथानकांची निवड यामुळे अमेयचा चाहतावर्ग अफाट आहे.

अमेयचा नुकताच झोंबिवली हा सिनेमा प्रेक्षकांच्या भेटीला आला होता. या सिनेमाने बॉक्स ऑफिसवर चांगलाच धुमाकूळ घातला.

मनोरंजन विश्वातील आघाडीच्या अभिनेत्यांमध्ये अमेय वाघची गणना होती. अभिनयाबरोबरच तो सोशल मीडियावरदेखील सक्रीय असतो.

अमेय त्याच्या विनोदबुद्धीसाठी आणि हजरजबाबीपणासाठी लोकप्रिय आहे. सोशल मीडियावरील त्याच्या पोस्ट खूपच व्हायरल होतात.

मराठी मनोरंजन विश्वात 'स्टाइल आयकॉन वाघ' म्हणून अमेय वाघने स्वतःची वेगळी ओळख निर्माण केली आहे.

उत्तम अभिनयाबरोबरच अमेयला विनोदाची जाणदेखील तितकीच उत्तम आहे. त्याच्या याच विनोदी स्वभावामुळे अमेय इतर कलाकारांपेक्षा वेगळा ठरतो.

गेल्या काही दिवसांत अमेयचे अनेक चांगले सिनेमे प्रेक्षकांच्या भेटीला आले आहेत. आता तो कोणत्या नव्या सिनेमात दिसणार याची उत्सुकता प्रेक्षकांना लागली आहे.