Aai Tuljabhavani Marathi Serial Track: आई राजा उदो उदो! 'आई तुळजाभवानी' मालिकेत देवीच्या आख्यायिकांचा 'नवा अध्याय'

Aai Tuljabhavani Marathi Serial Track: कलर्स मराठीवरील (Colours Marathi) आई तुळजाभवानी (Aai Tuljabhavani) या मालिकेत देवीच्या आख्यायिकांचे नवा अध्याय सुरू झाला आहे.

Aai Tuljabhavani Marathi Serial Track

या अध्यायातली बारकू गुरख्याची पहिली गोष्ट सध्या उलगडतेय.

देवीनं तुळजापूर परिसरात असंख्य भक्तांचा जो उद्धार केला, त्याच्या ज्या आख्यायिका आहेत, त्यांचं वैशिष्ट्य म्हणजे, देवीनं भक्तांना परिस्थितीशी लढायचं, झुंजायचे बळ दिलं, संकटावर मात करण्याची दिशा दिली.

याच प्रेरणादायी रंजक आख्यायिका मालिकेत उलगडत आहेत. भोळसट बारकू गुरख्याच्या उद्धाराच्या गोष्टी सोबत महिषासुराचे संकटही आता गडद होत आहे.

महिषासुराचा आणि शुंभाचा विवाह संपन्न झाला असला तरी तुळजाचा त्याचा शोध अजून सुरू आहे, त्याच्या या शोधात अडथळा बनून उभी ठाकली आहे ती त्याचीच पत्नी शुंभा.

तिनं महिषासुराचेच हेर मारून परिस्थिति बिकट केली आहे.

शुंभाच्या मदतीला देवीच्या पावित्र्याच्या, मांगल्याच्या विरोधात असलेली अलक्ष्मी आली असून तिची काळी कारस्थान थेट देवीच्या भक्तांवर आघात करणारी आहेत.

अलक्ष्मीचा भूतलावर सुरू झालेला हाहाकार हा आई तुळजाभवानी समोर महिषासुराच्या वाढत्या उपद्रवासोबतच मोठे आव्हान ठरत आहे.

या परिस्थितीतही देवी आपल्या भक्तांना प्रेरणा देते त्याची ही विलक्षण रंजक गोष्ट आवर्जून अनुभवण्यासारखी आहे.