LIC कडून 'या' कंपनीचे 1,49,000 शेअर खरेदी, अपडेट कळताच स्टॉक बनला रॉकेट, जाणून घ्या अपडेट

Nestle India share price: नेस्ले इंडिया कंपनीच्या शेअरमध्ये 2 टक्क्यांपेक्षा अधिक तेजी पाहायला मिळाली. एलआयसीनं या कंपनीतील भागीदारी वाढवली आहे.

शेअर बाजार अपडेट

नेस्ले इंडिया कंपनीच्या स्टॉकमध्ये 2 टक्के तेजी पाहायला मिळाली. याचं प्रमुख कारण म्हणजे एलआयसीनं नेस्ले इंडिया कंपनीमधील भागीदारी वाढवण्याचा निर्णय घेतला आहे. एलआयसीची नेस्ले इंडियातील भागीदारी 5 टक्क्यांच्यावर पोहोचली आहे.यामुळं नेस्लेचा स्टॉक आज 2454 रुपयांवर पोहोचला आहे.

नेस्ले इंडियाच्या स्टॉकमध्ये 39.60 रुपयांची वाढ झाली. नेस्लेच्या स्टॉकमध्ये झालेल्या वाढीचं कारण एलआयसीनं या कंपनीतील भागीदारी वाढवण्याची घोषणा केली आहे. एलआयचीची या कंपनीतील भागीदारी 5 टक्क्यांच्या नियामकांच्या मर्यादेच्या वर गेली आहे. यामुळं गुंतवणूकदारांकडून या स्टॉकची खरेदी करण्यात आली.

एलआयसीनं एका फायलिंगमध्ये सांगितलं की त्यांनी 23 मे 2025 ला मार्केटमधून नेस्ले इंडियाचे 1490000 अतिरिक्त शेअर खरेदी केले आहेत. आता एलआयसीकडे नेस्ले इंडियाचे 4,82,24,710 शेअर आहेत. नेस्ले इंडियाच्या इक्विटीमधील 5.001 टक्के शेअर एलआयसीचे आहेत.

एलआयसीकडे यापूर्वी नेस्लेचे 4,80,75,710 शेअर होते, म्हणजेच एलआयसीचा वाटा 4.986 टक्के इतका होता. एखाद्या कंपनीतील भागीदारी 5 टक्क्यांच्यावर गेल्यास त्याची माहिती देणं आवश्यक असतं.

नेस्ले इंडियाचा शेअर आज 2464.50 रुपयांवर पोहोचला होता. बाजार बंद झाला तेव्हा स्टॉक 2454 रुपयांवर आला आहे. 52 आठवड्यांचा उच्चांक 2777 रुपयांवर आहे. तर, नीचांक 2115 रुपये इतका आहे.

(टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)