Gold Price Today : सोन्याच्या दरात मोठे बदल, सोनं उच्चांकी पातळीवर, 10 ग्रॅम सोने खरेदीसाठी किती रुपये मोजावे लागणार?

Gold Silver Price Today : एकीकडे रुपया घसरत असताना सोने दरात मात्र वाढ होत आहे. 24 कॅरेट सोनं 85 हजारांच्या पार गेलं आहे.

सोने दरात वाढ

गेल्या काही दिवसांपासून सोन्याचे दर गगनाला भिडले आहे. सोन्याच्या दरात मोठी वाढ होत आहे. 24 कॅरेट सोन्याचे 10 ग्रॅमच्या जीएसटीशिवायचे दर 85368 रुपये आहेत. आज सोन्याच्या दरात 669 रुपयांची वाढ झाली आहे.

चांदीच्या दरात आज घसरण झाली आहे. सर्राफा बाजारात चांदीचे दर 451 रुपयांनी कमी होऊन 9440 रुपये किलोवर पोहोचली आहे.

आयबीजेएच्या दरांनुसार 23 कॅरेट सोन्याच्या दरात 666 रुपयांची वाढ झाली. सोनं 85062रुपयांवर पोहोचलं आहे. तर, 22 कॅरेट सोन्याचा दर 78197 रुपये, 18 कॅरेट सोन्याचा दर 64026 रुपये आणि 14 कॅरेट सोन्याचा दर 49940 रुपये 10 ग्रॅम इतका आहे.

हे दर इंडिया बुलियन अँड ज्वेलर्स असोसिएशननं जारी केले आहेत. यामध्ये जीएसटीची रक्कम मिळवल्यास ही रक्कम 1 ते 2 हजार रुपयांनी वाढेल.

डोनाल्ड ट्रम्प यांच्या आर्थिक धोरणांचा परिणाम शेअर बाजारावर झालेला पाहायला मिळतो. सोन्याच्या दरात मोठी वाढ झाली आहे. एमसीएक्सवर एप्रिलच्या वायद्याचं सोनं 85384 रुपये 10 ग्रॅमवर पोहोचलं आहे. दरम्यान, भारताचा रुपया आज अमेरिकेच्या डॉलरच्या तुलनेत 49 पैशांनी घसरुन 87.92 रुपयांवर पोहोचला आहे. लवकरच रुपया 88 रुपयांपर्यंत पोहोचेल. त्यामुळं सोन्यातील गुंतवणूक वाढत असल्याचं दिसतं.