Gold Rate : सोन्याच्या दराचा नवा उच्चांक, सोन्याचे दर 2105 रुपयांनी वाढले, चांदी 4163 रुपयांनी महागली

Gold Silver Rate : सोने आणि चांदीचे दर उच्चांकावर पोहोचले आहेत. शुक्रवारच्या तुलनेत सोन्याच्या दरात 6 ऑक्टोबरला वाढ झाली. सोन्यात गुंतवणूक करणाऱ्यांना दरवाढीमुळं फायदा होतोय.

सोने आणि चांदीचे दर महागले

सोने आणि चांदीचे दर नव्या उच्चांकावर पोहोचले आहेत. सोन्याचे दर शुक्रवार (3 ऑक्टोबर ) च्या तुलनेत सोमवारी (6 ऑक्टोबर) वाढले आहेत. बुलियन्स मार्केटमध्ये 24 कॅरेट सोन्याचे एका तोळ्याचे दर 116954 रुपयांवर पोहोचले आहेत. आयबीजेएच्या दरानुसार शुक्रवारच्या तुलनेत सोनं 2105 रुपयांनी महागलं आहे.

शुक्रवारी सोन्याचे दर घसरले होते. त्या दिवशी सोन्याचे दर 499 रुपयांनी घसरुन 116954 रुपयांवर पोहोचले होते. शेअर बाजारातील तेजी आणि घसरण, जागतिक बाजारातील अनिश्चितता या कारणामुळं सोन्याच्या दरांवर परिणाम होत आहे.

चांदीच्या दरात देखील तेजी पाहायला मिळाली आहे. चांदीचे एक किलोचे दर 148550 रुपयांवर पोहोचले आहेत. शुक्रवारी चांदीचा दर 144387 रुपये होता. त्या तुलनेत चांदीचा दर 4163 रुपयांनी वाढला आहे.

23 कॅरेट सोन्याचा एका तोळ्याचा दर 118582 रुपये आहे. 22 कॅरेट सोन्याचा एका तोळ्याचा दर 109058 रुपयांवर आहे.

18 कॅरेट सोन्याचा एका तोळ्याचा दर 89294 रुपये आहे तर 14 कॅरेट सोन्याचा एका तोळ्याचा दर 69650 रुपये आहे. ट्रम्प टॅरिफ आणि जागतिक बाजारातील अनिश्चितता यामुळं सोने आणि चांदीच्या दरात मोठी वाढ 2025 मध्ये झाली आहे. बाजारात अनिश्चितता वाढल्यास गुंतवणूकदार सोने आणि चांदी सारखे सुरक्षित पर्याय गुंतवणुकीसाठी निवडतात.