Ukraine-Russia Conflicts : युक्रेन भोवतीचे रशियन सैन्य मागे परतले, रशियन संरक्षण मंत्रालयाची माहिती  

युक्रेन -रशिया तणावाच्या बातम्या येत असतानाच एक दिलासादायक आणि मोठी बातमी समोर येत आहे.

RussiaUkraine_conflict_AFP

Ukraine-Russia Conflicts : युक्रेन -रशिया तणावाच्या बातम्या येत असतानाच एक दिलासादायक आणि मोठी बातमी समोर येत आहे. युक्रेनच्या सीमेजवळ रशियन सैन्याने (Russian Army) माघार घेतल्याचे समजत आहे. रशियन संरक्षण मंत्रालयाने एका निवेदनात म्हटले की, युक्रेनच्या सीमेजवळील भागातून रशियन सैन्यदलाने रणगाडे आणि युद्धाची वाहने मागे घेण्यास सुरुवात केली आहे. "युक्रेनच्या पश्चिमी लष्करी भागातील रशियन आर्मी कर्मचारी आणि लष्करी उपकरणे घेऊन जाणारी एक लष्करी रेल्वे रशियाच्या लष्करी तळांवर परतली," रशियन संरक्षण मंत्रालयाने एका निवेदनात म्हटले आहे.

रशियाने असं म्हटलंय की, 10 Su-24 ही युद्ध विमाने मॉस्कोच्या क्रिमियन द्वीपकल्पातून पुन्हा रशियाच्या एअरफील्डवर तैनात करण्यात आली आहेत. शुक्रवारी जाहीर केलेले रशियन ड्रॉडाउन मध्ये सुरुवातीला युक्रेनवर-रशिया यांच्यातील तणाव कमी होण्याची आशा केली. रशियाचे म्हणणे आहे की, युक्रेनजवळ तैनात असलेले काही लष्करी जवान त्यांच्या तळांवर परतत आहेत. रशियाने मंगळवारी सांगितले की, युक्रेनच्या सीमेजवळील त्यांच्या बेस कॅम्पमध्ये काही सैन्य परतत आहेत. अमेरिका आणि रशियामध्ये वाढता तणाव आणि संकटाच्या पार्श्वभूमीवर, डी-एस्केलेशनच्या दिशेने पहिले मोठे पाऊल मानले जात आहे.

पश्चिमेने मॉस्कोवर क्रिमिया आणि युक्रेनच्या सीमेजवळ हजारो सैन्य जमा केल्याचा आरोप केला आहे आणि रशियन हल्ल्याचा इशारा दिला आहे. तर पुलबॅकच्या पहिल्या घोषणेला प्रतिसाद म्हणून, वॉशिंग्टन म्हणाले की, सैन्याच्या संख्येत कोणतीही कपात नाही आणि रशिया प्रत्यक्षात सीमेभोवती सैन्य वाढवत आहे. बेलारूसमधील रशियन युद्ध खेळांमुळे तणाव वाढला आहे आणि त्या देशाचे बलाढ्य नेते, अलेक्झांडर लुकाशेन्को शुक्रवारी मॉस्कोमध्ये अध्यक्ष व्लादिमीर पुतिन यांच्याशी चर्चेसाठी येणार होते.

रशियन सैन्याच्या माघारीच्या घोषणेने संकट टळण्याची शक्यता आहे. या प्रकरणावर पहिली प्रतिक्रिया जर्मन चान्सलर ओलाफ स्कोल्झ यांच्याकडून येऊ शकते, कारण जर्मनीचे चांसलर रशियाचे अध्यक्ष व्लादिमीर पुतिन यांच्याशी चर्चेसाठी मंगळवारी मॉस्कोमध्ये उपस्थित होते. दरम्यान युक्रेन- रशियावरील संकट टळण्याची शक्यता वर्तविण्यात येतेय. कारण  रशियाच्या सैन्याने सीमेवरून माघार घेतल्याचे समजते. काही दिवसांपूर्वी, व्लादिमीर पुतिन यांच्या परराष्ट्र आणि संरक्षण मंत्र्यांच्या टिप्पण्यांमुळे डी-एस्केलेशनची आशा निर्माण झाली होती. गेल्या अनेक दिवसांपासून युक्रेनच्या मुद्द्यावरचे संकट अधिक गडद होताना दिसत आहे. रशिया लवकरच युक्रेनवर हल्ला करू शकतो, असा दावा अमेरिकेने केला होता. त्याचवेळी युक्रेनचे राष्ट्राध्यक्ष व्लादिमीर झेलेन्स्की यांनीही दावा केला की रशिया 16 फेब्रुवारीला युक्रेनवर हल्ला करेल. असे म्हटले होते. 

महत्त्वाच्या इतर बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha