Colombia Earthquake : कोलंबियात 7.4 रिश्टर स्केलचा विनाशकारी भूकंप; 20 जणांचा मृत्यू, अनेक इमारती कोसळल्या, परिस्थिती बिकट

Colombia Earthquake Update : वेस्टर्न कोलंबियामध्ये भूकंपाचा मोठा धक्का बसला असून पेरेरा अन् मानिझालेस शहरात मोठे नुकसान झालं आहे. या घटनेतील मृतांच्या आकडेवारीत वाढ होण्याची शक्यता आहे.

Colombia Earthquake

Source : abp majha

नवी दिल्ली : दक्षिण अमेरिकेतील कोलंबिया (Colombia) देशामध्ये 7.4 रिश्टर स्केल तीव्रतेचा विनाशकारी भूकंप झाला. या भीषण भूकंपामुळे आतापर्यंत किमान 20 जणांचा मृत्यू झाला असून अनेक इमारती पत्त्याच्या बंगल्याप्रमाणे कोसळल्या आहेत. ढिगाऱ्याखाली अनेक नागरिक अडकल्याने मृतांचा आकडा वाढण्याची भीती व्यक्त केली जात आहे. स्थानिक प्रशासनाने परिस्थिती अत्यंत गंभीर असल्याचे जाहीर केले आहे.

युनायटेड स्टेट्स जिओलॉजिकल सर्व्हे (USGS) आणि स्थानिक भूकंपशास्त्र केंद्रानुसार, भूकंपाचे केंद्र कोलंबियाच्या चोको (Choco) प्रांतातील संजोस डेल पाल्मारजवळ भूगर्भात 107 किमी खोल होते.

Colombia Earthquake Heavy Casualty Collapses : पेरेरा आणि मानिझालेस शहरात सर्वात जास्त जीवितहानी

प्राथमिक माहितीनुसार, भूकंपाचा सर्वाधिक फटका बसलेल्या पेरेरा शहरात (Pereira) 18 जणांचा मृत्यू झाला आहे.

मानिझालेस (Manizales) या शहरात 2 जणांचा मृत्यू झाल्याची माहिती महापौर जॉर्ज एड्युआर्डो यांनी दिली आहे.

कोलंबियातील प्रमुख शहरांपैकी एक असलेल्या कॅली शहरात (Cali) सुमारे 20 पेक्षा जास्त इमारती कोसळल्या असून अनेक लोक ढिगाऱ्याखाली अडकले आहेत.

Manizales, Colombia. Terremoto. pic.twitter.com/BzKcaWIHm1

— Jupac (@Jupacg) August 10, 2026

Colombia Earthquake Widespread Tremors : इक्वेडोर, पनामा आणि व्हेनेझुएलातही जोरदार धक्के

भूकंपाचे धक्के कोलंबियाची राजधानी बोगोटासह शेजारील देश इक्वेडोर, पनामा आणि व्हेनेझुएलाच्या सीमावर्ती भागातही तीव्रतेने जाणवले. बोगोटा शहरात सायरन वाजताच लोक घाबरून घरातून रस्त्यावर पळाले. सुरक्षेचा उपाय म्हणून पश्चिमेकडील सुमारे 6 लहान विमानतळांवरील विमान वाहतूक तात्पुरती स्थगित करण्यात आली आहे.

Colombia Earthquake Rescue Operation : राष्ट्राध्यक्षांचा दौरा अन् ड्रोनद्वारे पाहणी

कोलंबियाचे अध्यक्ष अबेलार्दो डी ला एस्प्रिएला (Abelardo de la Espriella) यांनी भूकंपग्रस्त भागाचा दौरा करण्याची घोषणा केली आहे. चोको प्रांताच्या राज्यपाल नुबिया कॅरोलिना कोर्डोबा-कुरी यांनी संभाव्य भूकंपाच्या दुय्यम धक्क्यांचा (Aftershocks) इशारा दिला आहे. सध्या आपत्कालीन बचाव पथके आणि ड्रोनच्या साहाय्याने ढिगाऱ्याखाली अडकलेल्यांचा शोध घेतला जात आहे.