Miss universe 2021 : उर्वशी रौतेला 'मिस युनिवर्स' स्पर्धेची परीक्षक, हरनाजच्या विजयानंतर अश्रू अनावर

Miss universe 2021 : उर्वशी रौतेलाला मिस युनिवर्स 2021 स्पर्धेची परीक्षक होण्याचा मान मिळवला. यावेळी हरनाज संधूने विश्वसुंदरीचा किताब भारताच्या नावे केल्यानंतर उवर्शीला अश्रू अनावर झाले.

Urvashi Rautela

Miss universe 2021 : भारताची हरनाज संधूनं विश्वसुंदरीचा (Miss Universe 2021) किताब मिळवला आहे. हरनाज विश्वसुंदरी होणारी तिसरी भारतीय आहे. हा ऐतिहासिक क्षणाच्या अनुभव घेण्याचा मान उर्वशी रौतेलाला मिळाला. हे पाहताना उर्वशीला अश्रू अनावर झाले. अनेक सौंदर्य स्पर्धांमध्ये विजय मिळवणाऱ्या उर्वशी रौतेलाला मिस युनिवर्स 2021 (Miss Universe 2021) स्पर्धेची परीक्षक होण्याचा मान मिळवला. मिस युनिवर्स स्पर्धेच्या नामांकित परीक्षकांपैकी उवर्शी रौतेला एक होती. यावेळी तब्बल 21 वर्षांनंतर विश्वसुंदरीचं मुकुट हरनाजने भारताच्या नावे केल्यानंतर उवर्शीला अश्रू अनावर झाले.

बॉलिवूडची अभिनेत्री आणि ब्युटी क्वीन उर्वशी रौतेलाच्या नावे अनेक सौंदर्य स्पर्धांचं किताब आहेत. उर्वशीने 'मिस युनिवर्स' (Miss Universe) स्पर्धेत 2015 साली भारताचं प्रतिनिधित्व केले. तिने 2015मध्ये 'मिस डिवा युनिवर्स' किताब मिळवला. त्यानंतर उर्वशीने 2013 मध्ये आलेल्या 'सिंग साब द ग्रेट' चित्रपटातून बॉलिवूडमध्ये पदार्पण केले. त्यानंतर ती ''सनम रे', 'ग्रेट गँड मस्ती', 'हेट स्टेरी 4' आणि 'पागलपंती' अशा अनेक चित्रपटांमध्ये झळकली.

उर्वशी रौतेलाने तिचे सौंदर्य आणि अभिनयाच्या जोरावर एक वेगळा चाहता वर्ग निर्माण केलाय. सोशल मीडियावर तिचा मोठा चाहता वर्ग आहे. ती सोशल मीडियावर चांगली सक्रीय असते आणि चाहत्यांसोबत नेहमीच अपडेट्स शेअर करत असते. 

इतर बातम्या : 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha