![metaverse](https://cdn.abplive.com/imagebank/metaverse-top.png)
Israel-Iran conflict : इराणचा इस्रायलवर पहिला थेट हल्ला; शेकडो क्षेपणास्त्रे, 300 ड्रोन इस्त्रायलवर डागली
शनिवारी रात्री उशिरा झालेल्या हल्ल्याने तेल अवीव आणि पश्चिम जेरुसलेमसह संपूर्ण इस्रायलमधील शहरांमध्ये हवाई हल्ल्याचे सायरन वाजले गेले. इस्रायली हवाई संरक्षणाने हल्ले रोखल्यानंतर स्फोटांचा आवाज झाला.
![Israel-Iran conflict : इराणचा इस्रायलवर पहिला थेट हल्ला; शेकडो क्षेपणास्त्रे, 300 ड्रोन इस्त्रायलवर डागली Israel Iran conflict Israel says more than 300 drones and missiles launched at it from Iran Iraq and Yemen Israel-Iran conflict : इराणचा इस्रायलवर पहिला थेट हल्ला; शेकडो क्षेपणास्त्रे, 300 ड्रोन इस्त्रायलवर डागली](https://feeds.abplive.com/onecms/images/uploaded-images/2024/04/14/9c5f82c0b471842ed040b8b6cf91d6ae1713077963025736_original.jpg?impolicy=abp_cdn&imwidth=1200&height=675)
Israel-Iran conflict : इस्त्रायल आणि पॅलेस्टीन युद्धाची दाहकता अजूनही शमली नसतानाच आता इराणने इस्रायली प्रदेशावर (Israel in its first direct attack on Israeli territory) पहिल्यांदाच थेट हल्ल्यात शेकडो क्षेपणास्त्रे आणि ड्रोन लाँच केले आहेत. प्रत्युत्तरादाखल केलेल्या हल्ल्यात सात वर्षांची मुलगी जखमी झाली असून इस्त्रायली लष्करी सुविधेचे किरकोळ नुकसान झालं आहे.
हल्ले रोखण्यात यश
शनिवारी रात्री उशिरा झालेल्या हल्ल्याने तेल अवीव आणि पश्चिम जेरुसलेमसह संपूर्ण इस्रायलमधील शहरांमध्ये हवाई हल्ल्याचे सायरन वाजले गेले. इस्रायली हवाई संरक्षणाने हल्ले रोखल्यानंतर स्फोटांचा आवाज झाला. इस्रायली सैन्याने सांगितले की इराणच्या सॅल्व्होमध्ये 300 हून अधिक किलर ड्रोन, बॅलिस्टिक क्षेपणास्त्रे आणि क्रूझ क्षेपणास्त्रे आहेत. परंतु युनायटेड स्टेट्स आणि युनायटेड किंगडमच्या सैन्याच्या मदतीने 99 टक्के रोखण्यात यश आलं आहे. हे ड्रोन आणि क्षेपणास्त्र हल्ले इराण, तसेच इराक आणि येमेनमधून आले होते, असेही त्यात म्हटले आहे.
वैद्यकांनी सांगितले की दक्षिण इस्रायलमधील एका मुलगी ड्रोनच्या छऱ्यांनी जखमी झाली आहे. सैन्याने म्हटले आहे की “दक्षिण इस्रायलमधील (इस्त्रायली लष्करी) तळासह पायाभूत सुविधांचे किरकोळ नुकसान झाले आहे.
इराणकडून "ट्रू प्रॉमिस" ऑपरेशन
इराणच्या इस्लामिक रिव्होल्युशनरी गार्ड्स कॉर्प (IRGC) ने हल्ल्याची पुष्टी केली आहे. त्यांनी दिलेल्या माहितीनुसार 1 एप्रिल रोजी "सीरियातील इराणी वाणिज्य दूतावासाला लक्ष्य करण्याच्या झिओनिस्ट घटकांच्या गुन्ह्यासाठी" शिक्षेचा भाग म्हणून "ट्रू प्रॉमिस" ऑपरेशन अंतर्गत ड्रोन आणि क्षेपणास्त्रे सुरू करण्यात आली आहेत.
दमास्कसमधील हल्ल्यात IRGC च्या एलिट कुड्स फोर्समधील दोन वरिष्ठ जनरल्ससह 12 लोक ठार झाले होते. इस्रायलने वाणिज्य दूतावास हल्ल्याची जबाबदारी घेतली नव्हती किंवा नाकारली सुद्धा नव्हती. दरम्यान, अमेरिकेला संघर्षापासून दूर राहण्याचा इशारा दिला आहे. इस्त्रायलचे गाझावरील युद्धाचे सहा महिने झाले आहेत. त्यामुळे आखाती प्रदेशांमध्ये तणाव वाढवला आहे. हा वणवा आता लेबनॉन आणि सीरियासह आघाडीवर पसरला आहे.
इराणच्या हल्ल्यापूर्वी इराक, जॉर्डन आणि लेबनॉनने त्यांचे हवाई क्षेत्र तात्पुरते बंद करण्याची घोषणा केली, तर सीरियाने देखील दमास्कस आणि प्रमुख तळांभोवती रशियन-निर्मित पँटसिर जमिनीपासून हवाई संरक्षण प्रणालींना हाय अलर्ट दिला होता. याआधी शनिवारी इराणच्या सशस्त्र दलांनी होर्मुझच्या सामुद्रधुनीजवळ इस्रायलशी निगडीत कंटेनर जहाज ताब्यात घेतले आहे.
अमेरिका, यूके, झेक प्रजासत्ताक, डेन्मार्क, फ्रान्स, मेक्सिको, नेदरलँड आणि नॉर्वेसह पाश्चात्य देशांनी इराणच्या कृतीचा निषेध केल आहे. इजिप्त आणि सौदी अरेबियाने संयम ठेवण्याचे आवाहन केले, तर इस्रायलच्या विनंतीवरून संयुक्त राष्ट्र सुरक्षा परिषदेने या विषयावर चर्चा करण्यासाठी आपत्कालीन सत्राचे नियोजन केले आहे.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)