Pope Leo on War: देव कधीही युद्धाचे समर्थन करत नाही आणि युद्धाचे समर्थन करण्यासाठी धर्माचा किंवा देवाचा नावाचा वापर करणं साफ चुकीचं; पोप लिओंनी युद्धखोर नेत्यांना फटकारलं
Pope Leo on War: "देव कधीही युद्धाचे समर्थन करत नाही आणि युद्धाचे समर्थन करण्यासाठी धर्माचा किंवा देवाच्या नावाचा वापर करणे साफ चुकीचे आहे," अशा स्पष्ट शब्दांत त्यांनी युद्धखोर नेत्यांना फटकारले आहे.
Pope Leo on War: जगातील ख्रिस्ती धर्मीयांचे सर्वोच्च धर्मगुरू पोप लिओ 14 (Pope Leo XIV) यांनी सध्या सुरू असलेल्या जागतिक युद्धांच्या पार्श्वभूमीवर अत्यंत कडक भूमिका घेतली आहे. "देव कधीही युद्धाचे समर्थन करत नाही आणि युद्धाचे समर्थन करण्यासाठी धर्माचा किंवा देवाच्या नावाचा वापर करणे साफ चुकीचे आहे," अशा स्पष्ट शब्दांत त्यांनी युद्धखोर नेत्यांना फटकारले आहे.
पाम संडेच्या निमित्ताने शांततेचा जागर
सेंट पीटर्स स्क्वेअरमध्ये 'पाम संडे' (Palm Sunday) निमित्त आयोजित करण्यात आलेल्या विशेष प्रार्थनेसाठी जगाच्या कानाकोपऱ्यातून हजारो लोक जमले होते. यावेळी जमलेल्या जनसमुदायाला संबोधित करताना पोप लिओ यांनी आपले संपूर्ण प्रवचन (Homily) शांतता आणि अहिंसेवर केंद्रित केले. इराण-इस्रायल युद्ध पाचव्या आठवड्यात प्रवेश करत असताना आणि रशिया-युक्रेन संघर्ष सुरूच असताना पोप यांनी संदेश दिला.
येशू शांतीचा राजा, युद्धाचा नाही
पोप लिओ आपल्या भाषणात म्हणाले की, "येशू हा शांतीचा राजा आहे, जो युद्धाचा धिक्कार करतो. स्वतःच्या स्वार्थासाठी किंवा लष्करी आक्रमणासाठी कोणीही देवाचा किंवा धर्माचा आधार घेऊ शकत नाही. जे लोक युद्धाला चिथावणी देतात किंवा हिंसेचा मार्ग अवलंबतात, अशांच्या प्रार्थना देव कधीही ऐकत नाही, उलट त्या फेटाळून लावतो." त्यांनी स्पष्ट केले की, खऱ्या अर्थाने देव केवळ पीडितांच्या आणि ज्यांच्यावर अन्याय होत आहे, त्यांच्याच पाठीशी उभा राहतो.
धार्मिक समर्थनावर ओढले ओढले ताशेरे
सध्या सुरू असलेल्या युद्धांमध्ये दोन्ही बाजूंनी धर्माचा वापर केला जात असल्याबद्दल पोप यांनी चिंता व्यक्त केली. अमेरिकेचे संरक्षण मंत्री पीट हेगसेथ यांनी आपल्या ख्रिश्चन श्रद्धेचा दाखला देत या युद्धाला धार्मिक वळण देण्याचा प्रयत्न केला होता. रशियाच्या 'ऑर्थोडॉक्स चर्च'ने युक्रेनवरील हल्ल्याला 'पवित्र युद्ध' (Holy War) संबोधले होते. या दोन्ही संदर्भांना अनुसरून पोप यांनी बजावले की, हिंसेला धार्मिक स्वरूप देणे हे देवाच्या शिकवणुकीच्या पूर्णपणे विरोधात आहे.
इतर महत्वाच्या बातम्या
Before You Go
Abhijeet Dipke JantarMantar: धर्मेंद्र प्रधानांचा राजीनामा, दिपके म्हणाले, कॉक्रोचसे पंगा नहीं लेना
महत्त्वाच्या बातम्या
